Watchtower BIBLIOTEK LO ENTERNET
Watchtower
BIBLIOTEK LO ENTERNET
Kreol Seselwa
  • LABIB
  • PIBLIKASYON
  • RENYON
Piblikasyon an Kreol Seselwa (2000-2026)
Log out
Log In
Watchtower BIBLIOTEK LO ENTERNET
Watchtower
BIBLIOTEK LO ENTERNET
Byenveni
Sa sit i permet ou fer bann resers dan bann piblikasyon Temwen Zeova dan diferan langaz.
Pour download bann piblikasyon, al lo jw.org.
Lanons
Bann nouvo langaz disponib: Betsimisaraka (Northern), Betsimisaraka (Southern), Konkomba, Matses, Mi'kmaq
  • Ozordi

Merkredi le 29 Oktob

Mon anvi loue Zeova, mon anvi loue son non sen avek tou mon leker.—Ps. 103:1.

Bann ki kontan Zeova i anvi loue son non avek tou zot leker. Lerwa David ti konpran ki ler nou pe loue non Zeova, nou pe loue Zeova li menm. Non Zeova i enkli son repitasyon. Sa i fer nou mazin son bann zoli kalite ek bann keksoz merveye ki in fer. David ti servi non son Papa dan en fason pour montre ki sa non i sen e i ti loue non son Papa. I ti anvi fer sa ‘avek tou son leker.’ Pareyman, bann Levit ti annan sa responsabilite pour ankouraz nasyon Izrael pour loue Zeova. Avek limilite, zot ti admet ki zot bann parol pa ti pou zanmen kapab loue non Zeova parey i merite. (Nee. 9:5) Nou kapab asire ki ler zot ti annan limilite e zot ti loue Zeova avek tou zot leker, sa ti fer Zeova plezir. w24.02 9 ¶6

Egzamin Labib sak zour—2025

Zedi le 30 Oktob

Nenport ki progre ki nou’n fer, annou kontinyen al annavan dan sa menm direksyon e dan en fason annord.—Fili. 3:16.

Zeova pa pou krwar ki ou pa’n reisi si ou pa’n atenn en lobzektif ki pa ti rezonnab pour ou. (2 Kor. 8:12) Aprann avek bann moman kot en keksoz i arive ki anpes ou atenn ou lobzektif. Pa oubliy sa ki ou’n deza akonpli. Labib i dir ki “Bondye pa enzis pour oubliy sa ki zot in fer.” (Ebr. 6:10) Ou osi ou pa devret oubliy bann keksoz ki ou’n fer. Reflesir lo bann lobzektif ki ou’n fini atenn. Par egzanp, ou’n reisi devlop en lanmitye avek Zeova, ou’n koz avek lezot lo li ouswa ou’n batize. Dan lepase ou’n fer progre e ou’n reisi atenn ou lobzektif spirityel. Alor, ou kapab kontinyen fer progre e atenn bann lobzektif ki ou annan la konmela. Avek led Zeova ou kapab atenn ou bann lobzektif. Toultan esey vwar ki mannyer Zeova pe ed ou parski sa pou ed ou reste zwaye anmezir ki ou fer zefor pour atenn ou lobzektif spirityel. (2 Kor. 4:7) Si ou kontinyen fer zefor, ou pou ganny plis benediksyon.—Gal. 6:9. w23.05 31 ¶16-18

Egzamin Labib sak zour—2025

Vandredi le 31 Oktob

Mon Papa li menm i kontan zot akoz zot kontan mwan e zot in krwar ki mon’n vin konman reprezantan Bondye.—Zan 16:27.

Zeova i kontan pour montre son pep ki i kontan zot e ki zot annan son laprouvasyon. Labib i mansyonn de fwa kot Zeova ti dir Zezi ki i son Garson ki i kontan e ki i’n aprouve. (Mat. 3:17; 17:5) Eski ou ti pou kontan tann Zeova dir ou ki ou annan son laprouvasyon? Zeova pa koz avek nou direkteman me i koz avek nou atraver Labib. Ler nou lir konsernan sa ki Zezi ti dir avek son bann disip dan bann Levanzil, i konmsi nou pe tann Zeova pe dir nou sa bann parol. Zezi ti imit personnalite son Papa dan en fason parfe. Alor ler nou lir ki Zezi ti dir son bann disip enparfe ki zot ti annan son laprouvasyon, nou kapab imazin Zeova pe dir sa bann parol avek nou. (Zan 15:9, 15) Si nou pas dan problenm, sa pa vedir ki nou nepli annan laprouvasyon Zeova. O kontrer, sa i en loportinite pour montre Zeova ki kantite nou kontan li e nou annan konfyans dan li.—Zak 1:12. w24.03 28 ¶10-11

Egzamin Labib sak zour—2025
Byenveni
Sa sit i permet ou fer bann resers dan bann piblikasyon Temwen Zeova dan diferan langaz.
Pour download bann piblikasyon, al lo jw.org.
  • Kreol Seselwa
  • Share
  • Preferans
  • Copyright © 2025 Watch Tower Bible and Tract Society of Pennsylvania
  • Regilasyon lizaz
  • Lenformasyon personnel
  • Bann paramet konfidansyel
  • JW.ORG
  • Log In
Share