Psonm
105 Remersye Zeova, loue* son non.
Fer bann pep konn sa ki i’n fer!
3 Loue son non sen avek lafyerte.
Ki bann dimoun* ki rod Zeova i dan lazwa.
4 Rod Zeova e demann li son lafors.
Toultan rod son led.*
5 Rapel bann keksoz merveye,
Bann mirak ek zizman ki i’n fer,
6 Zot bann desandans Abraam son serviter,
Zot bann garson Zakob, sa bann ki i’n swazir.
7 Li menm Zeova nou Bondye.
I ziz later antye.
8 I rapel son lalyans pour touzour,
Sa promes ki i’n fer* ziska mil zenerasyon,
9 Sa lalyans ki i’n fer avek Abraam
E sa serman ki i’n fer avek Izaak,
10 Ki i ti etabli konman en lalwa avek Zakob
E konman en lalyans permanan avek Izrael,
11 Ler i ti dir, “Mon pou donn ou pei Kanaan
Konman ou leritaz.”
12 Sa ti ler zot ti ankor en ptigin,
Wi, en ptigin zot e zot ti bann etranze dan sa pei.
13 Zot ti marse sorti dan en pei pour al dan en lot pei,
Sorti dan en rwayonm pour al dan en lot rwayonm.
14 I pa ti les personn maltret zot,
Me i ti reprimann bann lerwa akoz zot.
15 I ti dir, “Pa bezwen tous sa bann ki mon’n swazir
E pa bezwen fer nanryen mal avek mon bann profet.”
16 I ti fer en lafanmin vin dan sa pei.
I ti detri zot rezerv dipen.*
17 Avan zot, i ti anvoy en zonm
Ki apel Zozef ki ti ganny vann konman en lesklav.
18 Zot ti anmar* son lipye avek lasenn
E zot ti met en lasenn dan son likou
19 Ziska ki parol Bondye ti ganny realize.
Sa ki Zeova ti dir ti rafin li.
20 Lerwa ti donn lord pour larg li,
Sef sa bann pep ti liber li.
21 I ti met li ansarz son lakaz
E sef lo tou son propriyete.
22 I ti annan en gran lotorite lo son bann prens*
E i ti ansenny lasazes bann ansyen Lezip.
23 Alor Izrael ti vin Lezip
E Zakob ti reste konman en etranze dan pei Kam.
24 Bondye ti fer son pep fer bokou zanfan.
I ti fer zot vin pli for ki zot bann lennmi.
25 I ti les son bann lennmi konmans ay son pep
E fer konplo kont son bann serviter.
26 I ti anvoy son serviter Moiz
Ek Aaron ki i ti’n swazir.
27 Zot ti fer son bann siny parmi sa bann dimoun,
Son bann mirak dan pei Kam.
28 I ti anvoy fernwanr e pei ti dan fernwanr.
Zot* pa ti dezobei son parol.
29 I ti fer delo bann Ezipsyen vin disan
E touy zot pwason.
30 I ti annan grenwir partou dan zot pei,
Menm dan bann lasanm lerwa.
32 I ti fer zot lapli vin lagrel
E i ti anvoy zekler* dan zot pei.
33 I ti touy zot pye rezen, zot pye fig
E detri bann pye dibwa dan zot teritwar.
34 I ti donn lord pour ki bann sotrel,
En kantite zenn sotrel i anvai pei.
35 Zot ti devor tou bann plant dan pei
E tou sa ki ti pouse lo later.
36 Apre sa i ti touy tou premye ne dan sa pei,
Wi, bann premye zanfan.*
37 I ti fer son pep sorti dan sa pei avek lor ek larzan
E parmi son bann tribi, personn pa ti tonbe.
38 Lezip ti kontan ler bann Izraelit ti ale,
Parski zot ti vreman per pep Izrael.*
39 I ti fer en nyaz bar zot
E en dife pour donn zot lalimyer aswar.
40 Zot ti demande e i ti donn zot kay.*
I ti kontinyen donn zot dipen sorti dan lesyel.
41 I ti fann en ros e delo ti koule.
Delo ti koule dan dezer parey en larivyer.
42 Parski i ti rapel sa promes sen ki i ti fer avek Abraam son serviter.
43 Alor i ti fer son pep kit sa pei dan lazwa,
Bann ki i’n swazir ti selebre ler zot ti ale.
44 I ti donn zot pei lezot nasyon.
Zot ti ganny donnen bann keksoz ki lezot pep ti’n travay dir pour gannyen,
45 Pour ki zot swiv son bann lord
E obei son bann lalwa.
Loue Ya!*