LESON 37
Ki Labib i dir lo travay ek larzan?
Eski ou’n deza santi ki travay oubyen larzan i trakas ou bokou? I kapab vreman difisil pour nou ganny nou dipen e osi pour donn Zeova sa ladorasyon ki i merite. Labib i donn bann konsey pratik ki kapab ed nou.
1. Ki Labib i dir konsernan travay?
Bondye i anvi ki nou pran plezir dan nou travay. Labib i dir “napa nanryen ki pli bon ki ler en dimoun i . . . kontan akoz i’n travay dir.” (Eklezyas 2:24) Zeova i travay dir. Ler nou imit li par travay dir nou fer li plezir e nou menm nou santi sa satisfaksyon.
Travay i enportan. Me nou pa devret les li vin pli enportan ki nou ladorasyon pour Zeova. (Zan 6:27) Zeova i promet nou ki si nou met li premye, i pou pran swen avek nou bann bezwen fizik.
2. Ki pwennvi balanse nou devret annan lo larzan?
Labib i admet ki annan “larzan i en proteksyon” me i averti nou ki larzan tousel pa fer nou ere. (Eklezyas 7:12) Alor nou ganny ankouraze pour pa kontan larzan me pour “kontant [nou] avek sa ki [nou] annan.” (Lir Ebre 13:5.) Ler nou toultan kontant nou avek sa ki nou annan, nou pou evit sa dezapwentman ki bokou dimoun i annan, akoz zot krwar zot pa zanmen annan ase. Nou pou evite met bann det ki pa neseser lo nou. (Proverb 22:7) Nou pou osi evit danze ki vin avek zwe larzan e nou pa pou les nou ganny anbete avek sa bann plan pour fer larzan vitman.
3. Ki mannyer nou kapab montre nou zenere avek nou larzan?
Zeova i en Bondye zenere e nou imit li ler nou “zenere e pare pour partaze.” (1 Timote 6:18) Nou kapab servi nou larzan dan en fason zenere par siport kongregasyon e par ed lezot ki dan bezwen, sirtou nou bann frer ek ser Kretyen. Sa ki Zeova i pli enterese avek, se pa sa kantite ki nou pe donnen me plito pour ki rezon nou pe donn li. Ler nou donn avek tou nou leker, nou pou santi nou zwaye e nou osi fer plezir Zeova.—Lir Akt 20:35.
AL PLI O PROFON
Vwar byenfe ki nou gannyen ler nou gard travay dan son plas apropriye e osi nou kontant nou avek sa ki nou annan.
4. Anmenn loner lo Zeova par lafason ki ou travay
Nou lanmitye avek Zeova i devret enfliyans nou latitid dan travay. Zwe sa VIDEO e apre reponn sa bann kestyon.
Dan sa video kwa ki’n enpresyonn ou konsernan latitid ek kondwit Jason dan son landrwa travay?
Ki i ti fer pour gard travay dan son plas apropriye?
Lir Kolosyen 3:23, 24 e apre reponn sa kestyon:
Akoz nou latitid vizavi travay i enportan?
Travay i enportan. Me nou pa devret zanmen les li vin pli enportan ki nou ladorasyon pour Zeova
5. Kontant nou avek sa ki nou annan i anmenn bokou byenfe
Bokou dimoun i esey akimil otan larzan ki zot kapab. Me Labib i ankouraz nou pour annan en lapros diferan. Lir 1 Timote 6:6-8 e apre reponn sa kestyon:
Ki Labib i ankouraz nou pour fer?
Nou kapab zwaye menm si nou napa bokou. Zwe sa VIDEO e apre reponn sa kestyon.
Kwa ki ti fer sa bann fanmir zwaye menm si zot ti napa bokou larzan?
Me si nou deza annan bokou e nou anvi plis ankor? Zezi ti rakont en zistwar pour montre ki mannyer sa i danzere. Lir Lik 12:15-21 e apre reponn sa kestyon:
Ki ou’n aprann avek zistwar Zezi?—Vwar verse 15.
Lir e konpar Proverb 10:22 ek 1 Timote 6:10. Apre reponn sa bann kestyon:
Ki ou krwar i pli enportan? Annan en lanmitye avek Zeova oubyen annan en ta larzan? Akoz?
Ki problenm ki vin avek tay deryer larzan?
6. Zeova pou pran swen avek nou bann bezwen
Problenm travay ek larzan i kapab teste nou lafwa dan Zeova. Zwe sa VIDEO pour vwar ki nou kapab fer ler nou rankontre sa bann problenm e apre reponn sa bann kestyon.
Dan sa video, ki bann difikilte sa frer ti fer fas avek?
Ki i ti fer pour reisi fer fas avek son bann difikilte?
Lir Matye 6:25-34 e apre reponn sa kestyon:
Ki Zeova in promet pour fer pour bann ki met li premye dan zot lavi?
SERTEN DIMOUN I DIR: “Mon bezwen travay dir pour pran swen avek mon fanmir. Mon pa kapab al renyon tou le semenn.”
Ki verse Labib ki konvenk ou ki met ladorasyon Zeova premye i sa pli bon desizyon?
REZIMEN
I enportan pour travay e ganny larzan me i pa devret anpes nou servi Zeova.
Revizyon
Kwa ki kapab ed ou annan en pwennvi balanse lo travay?
Ki mannyer ou benefisye ler ou kontant ou avek sa ki ou annan?
Ki mannyer ou kapab montre ki ou annan konfyans dan promes Zeova pour pran swen avek son serviter?
FER PLIS RESERS
Gete si Labib i dir ki larzan i pa bon.
“Eski larzan i rasin tou sort move keksoz?” (Lartik lo jw.org)
Aprann ki kalite donnen ki fer plezir Zeova.
Eski napa nanryen mal avek zwe larzan?
“The Bible’s Viewpoint—Gambling” (Veye! Mars 2015 an Angle)
Vwar kwa ki ti fer en msye aret zwe larzan e aret vole.
“I Was Passionate About Racehorses” (Latour Veyer 1 Novanm 2011 an Angle)