LESON 60
Kontinyen fer progre
Pandan ou letid Labib, ou’n aprann en kantite lo Zeova. Bann keksoz ki ou’n aprann in fer ou kontan li sitan en kantite ki petet ou’n dedye ou lavi avek li e batize. Si non, petet ou pe mazin pour fer li tre byento. Me ou progre pa fini avek batenm. Ou kapab kontinyen vin pli pros avek Zeova pour touzour. Ki mannyer ou fer sa?
1. Akoz ou devret kontinyen fer ou lanmitye avek Zeova vin pli for?
Nou bezwen travay dir pour kontinyen fer nou lanmitye avek Zeova vin pli for. Akoz? “Pour ki nou pa zanmen drive” lwen avek li. (Ebre 2:1) Kwa ki kapab ed nou servi Zeova fidelman? Nou kapab reste okipe dan sa travay predikasyon e rod lezot fason pour servi nou Bondye plis. (Lir Filipyen 3:16.) Servi Zeova i sa pli bon fason pour viv nou lavi!—Psonm 84:10.
2. Ki ou devret kontinyen fer ankor?
Menm si ou pe fini etidye Labib, ou lavi konman en Kretyen i kontinyen. Labib i dir ki nou bezwen “devlop sa nouvo personnalite.” (Efezyen 4:23, 24) Anmezir ki ou kontinyen etidye Parol Bondye e asiste renyon dan kongregasyon, ou pou aprann nouvo keksoz lo Zeova ek son personnalite. Rod fason pour imit son personnalite pli byen dan ou lavi. Kontinyen fer bann sanzman ki neseser pour fer plezir Zeova.
3. Ki mannyer Zeova pou ed ou progrese?
Labib i dir: “Bondye . . . pou fini zot formasyon li menm. I pou fer zot ferm, i pou fer zot for e i pou met zot lo en fondasyon solid.” (1 Pyer 5:10) Nou tou nou ganny tante. Me Zeova i donn nou sa ki nou bezwen pour nou kapab reziste tantasyon. (Psonm 139:23, 24) I promet pour donn ou sa dezir ek sa lafors pour servi li fidelman.—Lir Filipyen 2:13.
AL PLI O PROFON
Vwar ki mannyer ou kapab kontinyen fer progre e ki mannyer Zeova pou beni ou.
4. Kontinyen kominik avek ou pli bon zanmi
Lapriyer ek letid Labib in ed ou pour vin zanmi Zeova. Ki mannyer sa de keksoz i kapab ed ou pour vin pli pros ankor avek li?
Lir Psonm 62:8 e apre reponn sa kestyon:
Pour ki ou lanmitye avek Zeova i vin pli for, ki mannyer ou kapab amelyor kalite ou lapriyer?
Lir Psonm 1:2 e apre reponn sa kestyon:
Ki mannyer ou kapab amelyor ou lektir Labib pour fer ou lanmitye avek Zeova vin pli for?
Ki mannyer ou kapab ganny plis byenfe avek ou letid personnel? Pour vwar enn de lide, zwe sa VIDEO e apre reponn sa bann kestyon.
Ki sizesyon dan sa video ou kapab met an pratik?
Ki topik ou ti a kontan etidye?
5. Etabli bann lobzektif spirityel
Ler ou annan bann lobzektif dan servis Zeova, sa pou ed ou pour kontinyen fer progre. Zwe sa VIDEO e apre reponn sa kestyon.
Dan sa video, ki byenfe Cameron ti gannyen ler i ti etabli bann lobzektif spirityel?
Pa tou dimoun ki kapab al pres dan en lot pei. Me nou tou nou kapab annan bann lobzektif ki rezonnab. Lir Proverb 21:5 e apre mazinen ki lobzektif ki ou ti a kontan annan . . .
dan kongregasyon.
dan predikasyon.
Ki mannyer sa prensip dan sa verse i kapab ed ou pour arive akonpli ou lobzektif?
Serten lobzektif pour mazin lo la
Amelyor kalite ou lapriyer.
Lir Labib antye.
Aprann konn tou dimoun dan kongregasyon.
Konmans e kondwir en letid Labib.
Servi konman pionye asistan oubyen pionye ordiner.
Si ou en frer, esey kalifye pour vin en serviter kongregasyon.
6. Viv pour touzour!
Lir Psonm 22:26 e apre reponn sa kestyon:
Ki ou kapab fer pour annan en lavi ki gou la konmela e pour touzour?
REZIMEN
Kontinyen fer ou lanmitye avek Zeova vin pli for e annan bann lobzektif spirityel. Apre sa ou pou kapab viv ere pour touzour!
Revizyon
Akoz ou kapab asire ki Zeova pou ed ou servi li fidelman?
Ki mannyer ou kapab fer ou lanmitye avek Zeova vin pli for?
Ki mannyer bann lobzektif spirityel i kapab ed ou fer progre?
FER PLIS RESERS
Kwa ki annan plis valer pour Zeova, fer en keksoz remarkab enn fwa dan nou lavi oubyen servi li fidelman zour apre zour tou nou lavi?
En serviter Zeova i kapab perdi son lazwa. Me annou vwar ki mannyer i kapab reganny li.
Ki mannyer ou kapab annan bann lobzektif spirityel e arive akonpli zot?
“Use Spiritual Goals to Glorify Your Creator” (Latour Veyer 15 Zilyet 2004 an Angle)
Akoz i enportan pour en Kretyen vin matir e ki mannyer ou kapab vin matir?
“Avans ver matirite, ‘gran zour Zeova i pros’” (Latour Veyer 1 Me 2009)