Bann referans pour Kaye renyon Nou minister ek lavi Kretyen

2-8 SEPTANM

BANN TREZOR DAN PAROL BONDYE | EBRE 7-8

“En pret pour touzour parey Melkisedek”

it-2-E 366

Melkisedek

Melkisedek ti lerwa Salenm e “pret Bondye Toupwisan,” Zeova. (Ze 14:18, 22) I sa premye pret ki ganny mansyonnen dan Labib e i ti okip sa pozisyon en pe letan avan lannen 1933 avan Kris. Vi ki Melkisedek ti Lerwa Salenm, ki vedir “Lape,” zapot Pol i apel li “Lerwa Lape” e dapre son non “Lerwa Ladrwatir.” (Ebr 7:1, 2) Dapre konpran, Salenm ti form parti sa lavil ki pli tar ti ganny apele Zerizalenm e ki son non ti ganny azoute dan sa non Zerizalenm ki parfwa i ganny refer konman “Salenm.”​—Ps 76:2.

Apre ki Abranm (Abraam) ti’n defet Kedorlaomer ek lezot lerwa ki ti avek li, i ti al dan Vale Save, setadir “Vale Lerwa.” Melkisedek ti “anmenn dipen ek diven” e beni Abraam an dizan: “Bondye Treo, ki’n kree lesyel ek later! Beni Abranm. Loue Bondye Treo, ki’n livre ou lennmi dan ou lanmen!” Alor Abraam ti donn sa lerwa ek pret “en dizyenm lo tou sa ki i ti’n pran,” savedir, “bann pli bon keksoz ki zot ti gannyen dan lager” avek sa bann lezot lerwa.​—Ze 14:17-20; Ebr 7:4.

it-2-E 367 ¶4

Melkisedek

Akoz nou kapab dir ki Melkisedek ti ‘napa nesans oubyen lanmor’?

Pol i fer resorti en detay remarkab konsernan Melkisedek, ler i ti dir sa parol lo li: “Vi ki i napa en rikord lo lekel son papa, manman, zanset, son nesans oubyen son lanmor me i ti vin parey Garson Bondye, alor i reste pret pour touzour.” (Ebr 7:3) Melkisedek ti ne e pli tar i ti mor parey lezot dimoun. Par kont, non son papa, son manman, son zanset ek son desandans pa’n ganny mansyonnen e Labib pa donn okenn detay konsernan son nesans oubyen son lanmor. Alor Melkisedek ti sa dimoun ideal pour reprezant Zezi Kri ki en pret pour touzour. Zis parey ti napa en rikord lo en pret avan li oubyen apre li, Labib i montre ki napa okenn granpret avan Kris oubyen apre li. An plis, menm si Zezi ti ne dan tribi Zida e i ti en desandans Lerwa David. I pa akoz son bann zanset ki i ti kapab vin granpret e osi vin Lerwa ek pret an menn tan. I ti vin lerwa ek pret akoz bann promes ki Zeova in fer avek Zezi.

it-2-E 366

Melkisedek

Ki Kris konman pret i reprezante. Dan en profesi konsernan Mesi, Zeova ti fer sa serman avek Zezi ki “Senyer” David: “Ou en pret pour touzour dan menm fason ki Melkisedek!” (Ps 110:1, 4, NWT) Sa psonm ki ti ganny enspire ti donn bann Ebre rezon pour vwar sa Mesi ki’n ganny promet konman sa enn ki ti pou desarz fonksyon pret ek Lerwa an menm tan. Dan sa let ki zapot Pol ti ekri bann Ebre, i ti fer kler lekel sa enn ki’n ganny predir, ler i ti pe koz lo “Zezi, ki’n vin en granpret parey Melkisedek pour touzour.”​—Ebr 6:20; 5:10; vwar LALYANS.

Rod bann perl spirityel

w00-E 15/8 14 ¶11

Bann sakrifis ki fer plezir Bondye

¹¹ Zapot Pol i dir ki “tou bann granpret i ganny apwente pour ofer lofrann ek sakrifis.” (Ebre 8:3) Remarke ki zapot Pol ti separ bann lofrann ki granpret dan letan Izrael ti fer an de kategori, sa i “lofrann” ek “sakrifis,” oubyen “sakrifis pour pese.” (Ebre 5:1) Normalman, dimoun i donn lofrann oubyen kado pour demontre lafeksyon ek lapresyasyon, pour devlop lanmitye e pour ganny faver oubyen laprouvasyon lezot. (Zenez 32:20; Proverb 18:16) Pareyman, en kantite sa bann lofrann ki dan Lalwa i kapab ganny vwar konman bann “lofrann” pour Bondye pour ganny son laprouvasyon ek faver. Si en lofans ti ganny komet, lalwa ti demande ki “sakrifis pour pese” i ganny ofer. Dan sa senk premye liv Labib (Pentatek) espesyalman liv Egzod, Levitik ek Nonm, i koz bokou lo plizyer kalite sakrifis ek lofrann. Menm si i difisil pour nou mazin tou sa bann detay, serten pwen enportan konsernan sa bann diferan kalite sakrifis i merit nou latansyon.

it-1-E 523 ¶5

Lalyans

Ki mannyer lalyans Lalwa ti vin “initil”?

Dan en sans, Lalyans Lalwa ti vin “initil” ler Bondye ti dir atraver Profet Zeremi ki i pou annan en nouvo lalyans. (Zer 31:31-34; Ebr 8:13) Lannen 33, Lalyans Lalwa ti ganny aboli atraver lanmor Kris lo en poto martir (Kol 2:14) e ganny ranplase par nouvo lalyans.​—Ebr 7:12; 9:15; Akt 2:1-4.

9-15 SEPTANM

BANN TREZOR DAN PAROL BONDYE | EBRE 9-10

“En reprezantasyon bann bon keksoz ki pe vini”

it-1-E 862 ¶1

Pardon

Dapre lalwa ki Bondye ti donn nasyon Izrael, pour ki en dimoun ki’n fer pese kont Bondye ouswa kont son prosen i ganny pardonnen, i ti devret premyerman koriz son fot parey Lalwa ti demande e laplipar ditan i ti bezwen ofer en zannimo avek Zeova. (Le 5:5–6:7) Alor Pol ti donn sa prensip: “Wi, dapre Lalwa preski tou keksoz i kapab ganny pirifye avek disan e napa pardon pour pese si disan pa ganny verse.” (Ebr 9:22) Kantmenm sa, sakrifis zannimo pa ti kapab efas pese e donn sa dimoun en konsyans kler ki parfe. (Ebr 10:1-4; 9:9, 13, 14) Par kont, sa nouvo lalyans ki ti’n ganny predir ti fer li posib pour en dimoun ganny pardonnen, baze lo sakrifis Zezi. (Zer 31:33, 34; Mt 26:28; 1Ko 11:25; Efe 1:7) Menm ler Zezi ti lo later, i ti demontre ki i ti annan lotorite pour pardonn pese ler i ti geri en zonm paralize.​—Mt 9:2-7.

cf-E 183 ¶4

“Kontinyen swiv mwan”

⁴ Labib pa dir nanryen konsernan ler Zezi ti ariv dan lesyel, lafason i ti ganny akeyir e ler i ti zwenn son Papa. Par kont, Labib ti’n fini koz lo sa ki ti pou arive dan lesyel zis apre ki Zezi i retourn laba. Pandan plis ki 15 syek, bann Zwif ti asiste regilyerman en seremoni sakre. Enn fwa par an, Zour Rekonsilyasyon, Granpret ti antre dan lasanm Tre Sen dan tanp pour vers disan sakrifis devan lars lalyans. Sa zour, granpret ti reprezant Mesi. Ler Zezi ti retourn dan lesyel, i ti akonpli sa profesi konsernan sa seremoni enn fwa pour tou. I ti antre dan sa landrwa pli sen dan liniver antye setadir kot Zeova i ete e la i ti prezant valer son sakrifis avek son Papa. (Ebre 9:11, 12, 24) Eski Zeova ti aksepte?

it-2-E 602-603

Perfeksyon

Lafason ki Lalwa Moiz ti parfe. Dan sa Lalwa ki ti ganny donnen avek pep Izrael atraver Moiz, i ti osi annan diferan provizyon ki enkli sa laranzman pour annan bann pret e pour ofer diferan zannimo konman sakrifis. Menm si sa Lalwa ti sorti kot Bondye e i ti parfe, ni sa Lalwa, ni sa laranzman pour bann pret e ni menm bann sakrifis pa ti fer en dimoun parfe anba Lalwa parey sa zapot ti dir anba lenspirasyon. (Ebr 7:11, 19; 10:1) Olye liber nou avek pese ek lanmor, Lalwa ti fer konn egzakteman kisisa pese. (Ro 3:20; 7:7-13) Kantmenm sa, tou sa bann provizyon ki Zeova in fer ti ganny servi dan fason ki i ti’n plàn. Lalwa ti vin en “gid” ziska Kris e dan en fason parfe, i ti en “reprezantasyon bann bon keksoz ki pe vini.” (Ga 3:19-25; Ebr 10:1) Alor, ler Pol ti dir: “Sa ki Lalwa pa ti kapab fer akoz imen i enparfe,” (Ro 8:3) i ti pe mazin lo lefet ki granpret Zwif (ki ti ganny apwente dapre Lalwa pour okip laranzman sakrifis e ki ti antre dan Tre Sen Zour Rekonsilyasyon avek disan zannimo) pa ti kapab “sov bann” ki i ti pe servi, parey Ebre 7:11, 18-28 i eksplike. Menm si bann sakrifis ki ti ganny ofer atraver bann pret sorti dan desandans Aaron ti permet bann Izraelit gard en bon repitasyon devan Bondye, sa pa ti fer zot oubliye ki zot ti ankor fer pese. Sa zapot ti refer avek sa ler i ti dir ki sakrifis Rekonsilyasyon pa ti pou kapab “fer sa bann ki ador Bondye vin parfe,” setadir konsernan zot konsyans. (Ebr 10:1-4; konpar Ebr 9:9.) Granpret pa ti kapab pey sa ranson ki ti bezwen pour efas nou pese. Zis Kris konman granpret ek son sakrifis ki kapab fer sa.​—Ebr 9:14; 10:12-22.

Rod bann perl spirityel

w92-E 1/3 31 ¶4-6

Kestyon lekter

Pol ti dir ki i ti bezwen annan en lanmor pour fer sa lalyans ant Bondye ek bann imen vin posib. Lalyans Lalwa ti en legzanp. Moiz ti sa medyater e atraver li ki sa lagreman ant Bondye ek pep Izrael ti ganny fer. Alor Moiz ti zwe en rol enportan e i ti sa zonm ki ti entrodwir bann Izraelit avek lalyans Lalwa. Moiz ti kapab ganny vwar konman sa dimoun ki’n fer sa lalyans Lalwa ki sorti kot Zeova. Me eski Moiz ti bezwen mor pour ki lalyans Lalwa i pran lefe? Non. O kontrer sakrifis zannimo ki ti ganny ofer e zot disan ti ganny verse dan plas sa ki pour Moiz.​—Ebre 9:18-22.

Ki nou pou dir lo sa nouvo lalyans ant Zeova ek Izrael spirityel? Zezi Kri ti sa Medyater ant Zeova avek Izrael spirityel. Menm si Zeova ki ti entrodwir sa lalyans, Zezi Kri ki’n fer sa lalyans avek son bann zapot. An plis ki Medyater, ler Zezi ti lo later, i ti annan kontak direk avek bann premye dimoun ki form parti sa nouvo lalyans. (Lik 22:20, 28, 29) An plis, i ti sa enn ki ti pou fer sa sakrifis ki neseser pour fer sa lalyans valid. Sa pa ti en sakrifis zannimo me en lavi imen ki parfe. Alor Pol ti kapab refer avek Kris konman sa dimoun ki fer sa nouvo lalyans. Apre ki ‘Kris ti antre dan . . . lesyel menm pour prezant li devan Bondye pour nou,’ sa nouvo lalyans ti vin valid.​—Ebre 9:12-14, 24.

Ler Pol ti koz lo Moiz ek Zezi konman bann dimoun ki fer en lalyans, i pa ti pe dir ki lalyans i sorti kot sa de zonm me i sorti kot Bondye ki sours sa lalyans. Sa de zonm ti zis bann medyater pour fer ki sa de lalyans i ganny fer. Dan tou le de ka, i ti bezwen annan en lanmor. Sakrifis zannimo ti ganny ofer dan plas Moiz e Zezi li i ti ofer son lavi pour bann ki anba sa nouvo lalyans.

it-1-E 249-250

Batenm

Lik, enn bann disip Zezi i dir ki Zezi ti pe priye ler i ti pe ganny batize. (Li 3:21) Dapre Pol, sa enn ki ti ekri let pour bann Ebre i dir ki ler Zezi ti vin “dan lemonn” (pa ler i ti ne kot i pa ti ankor konn ekri e dir sa bann parol me ler i ti prezant son lekor pour ganny batize e konmans son minister) i ti pe dir sa an rapor avek Psonm 40:6-8 (Septant): “Ou pa ti oule sakrifis ek lofrann me ou ti prepar en lekor pour mwan. . . . ‘O Bondye, la mon’n vin pour fer ou lavolonte, parey Lekritir in dir lo mwan.’” (Ebr 10:5-9) Zezi ti en Zwif e nasyon Zwif ti deza anba lalyans Lalwa avek Bondye. (Eg 19:5-8; Ga 4:4) Alor, Zezi ti deza dan en lalyans avek Zeova ler i ti vin kot Zan ki batize pour li ganny batize. Zezi ti fer en keksoz an plis ki sa ki Lalwa ti demande. I ti pe prezant son lekor ki ti’n deza “prepare” avek son Papa Zeova, pour fer Son “lavolonte” e sa ti fer ki sakrifis zannimo ti pou nepli bezwen ganny ofer dapre Lalwa. Zapot Pol i dir: “An armoni avek sa ‘lavolonte,’ nou’n ganny sanktifye akoz lekor Zezi Kri in ganny ofer enn fwa pour tou.” (Ebr 10:10) Zezi ti osi prezant son lekor pour fer bann aktivite ki i annan pour fer avek Rwayonm. (Li 4:43; 17:20, 21) Zeova ti aksepte ler son Garson ti prezant son lekor pour ganny batize, i ti swazir li par lespri sen e dir: “Ou menm mon Garson, sa enn ki mon kontan e ki mon’n aprouve.”​—Mr 1:9-11; Li 3:21-23; Mt 3:13-17.

16-22 SEPTANM

BANN TREZOR DAN PAROL BONDYE | EBRE 11

Rod bann perl spirityel

it-1-E 804 ¶5

Lafwa

Legzanp bann dimoun ki ti annan lafwa dan lepase. Sak dimoun ki form parti sa “sitan gran lafoul temwen” ki zapot Pol i mansyonnen (Ebr 12:1), ti annan bon rezon pour annan lafwa. Par egzanp, Abel ti bezwen konn sa promes Bondye konsernan en “desandans” ki pou kraz latet sa “serpan.” I ti vwar konsekans santans ki Zeova ti’n pas lo son paran dan zarden Edenn. An deor zarden Edenn, Adan ek son fanmir ti bezwen trimouse pour ganny zot manze vi ki later ti’n ganny modi e i ti prodwir move zerb ek pikan. I tre probab ki Abel ti vwar ki Ev ti vreman bezwen son msye e ki Adan ti domin son madanm. San dout son manman ti koz lo son douler lakousman. Dan larantre zarden Edenn, i ti annan bann seriben ki ti pe gardyen larantre avek en lepe dife. (Ze 3:14-19, 24) Tousala ti en “levidans kler” pour montre Abel ki delivrans pou vin atraver ‘desandans ki’n promet.’ Alor gras a son lafwa, i ti “ofer Bondye en sakrifis,” enn ki ti annan en pli gran valer ki pour Kaen.​—Ebr 11:1, 4.

23-29 SEPTANM

BANN TREZOR DAN PAROL BONDYE | EBRE 12-13

“Disiplin i en fason ki Zeova i montre i kontan nou”

w12–E 1/7 21 ¶3

“Ler zot priye, dir: ‘Papa’”

En Papa ki kontan son zanfan i disiplin li akoz i anvi son zanfan i grandi pour vin en bon dimoun. (Efezyen 6:4) Sa Papa i kapab serye me i pa zanmen brit ler i koriz son zanfan. Pareyman, nou Papa dan lesyel i kapab vwar li neseser pour disiplin nou. Me Bondye i toultan disiplin nou avek lanmour e i pa zanmen brit. Parey son Papa, Zezi pa ti zanmen brit menm ler son disip ti tarde pour aksepte disiplin.​—Matye 20:20-28; Lik 22:24-30.

Rod bann perl spirityel

w89-E 15/12 22 ¶10

Ofer bann sakrifis ki fer plezir Zeova

¹⁰ Bann Ebre ti bezwen reste “lwen avek diferan lansennyman” bann Zwif. (Galat 5:1-6) I pa lansennyman bann Zwif ki ti pou tous leker en dimoun me ‘par labonte ekstraordiner Bondye ki leker en dimoun i kapab ferm’ pour ki i reste solid dan lafwa. Vi ki zapot Pol ti dir ki leker en dimoun pa vin ferm par sa ki i “manze e ki bann ki okip zot lekor avek manze pa’n benefisye,” i paret ki serten ti fer bann largiman lo manze ek sakrifis. Ou ganny byenfe spirityel ler ou annan devosyon pour Bondye e annan lapresyasyon pour sa ranson, pa akoz serten manze ki ou manze oubyen bann zour ki ou obzerve. (Romen 14:5-9) Deplis, sakrifis Zezi in fer sakrifis ki bann Levit ti fer napa valer.​—Ebre 9:9-14; 10:5-10.

30 SEPTANM–6 OKTOB

BANN TREZOR DAN PAROL BONDYE | ZAK 1-2

“Semen ki anmenn ver pese ek lanmor”

g17-E 4 14

Tantasyon

Ou ganny tante ler en keksoz in atir ou latansyon, espesyalman en keksoz mal. Par egzanp, ler ou pe fer ou konmisyon, ou vwar en keksoz ki ou ti a kontan. Ou mazinen ki ou kapab fasilman vol sa keksoz san ki personn i vwar ou. Par kont, ou konsyans i dir ou non, pa fer! Alor ou pa mazin lo sa keksoz e kontinyen fer ou konmisyon. Sa tantasyon i ale e ou sorti venker.

SA KI LABIB I DIR

Ler ou ganny tante i pa vedir ki ou en move dimoun. Labib i dir ki nou tou nou ganny tante. (1 Korentyen 10:13) Sa ki vreman enportan i ki mannyer nou azir ler nou ganny tante. Serten i kontinyen mazin lo sa move dezir e to ou tar zot les zot ganny tante. Lezot i deswit vwar ki sa bann move dezir i mal.

g17-E 4 14

Tantasyon

Labib i dir ki mannyer en dimoun i arive fer en keksoz mal. Zak 1:15 i dir: “Ler sa [move] dezir i vin pli for [literalman, “ler sa dezir in ganny formen,” not], i fer sa dimoun fer pese.” Ler nou kontinyen mazin lo en move dezir, nou ariv lo en pwen kot nou nepli kapab kontrol nou aksyon zis parey en madanm ansent ki pe al donn nesans. Me, nou kapab evite vin lesklav move dezir e ranport laviktwar lo sa ki mal.

Rod bann perl spirityel

it-2-E 253-254

Lalimyer

Zeova i “Papa bann lalimyer.” (Zak 1:17) I pa zis sa enn ki ‘donn soley pour klere pandan lizour, lalin ek bann zetwal pour klere lannwit,’ (Zer 31:35) me i osi Sours lalimyer spirityel. (2Ko 4:6) Son lalwa, zizman ek parol i en lalimyer pour bann ki les zot ganny gide par li. (Ps 43:3; 119:105; Pr 6:23; Iza 51:4) Sa psalmis ti dir: “Dan ou lalimyer, nou war lalimyer.” (Ps 36:9; konpar Ps 27:1; 43:3.) Zis parey lalimyer soley i kontinyen vin pli kler depi granmaten “ziska midi,” alor semen sa enn ki zis i ganny klere avek lasazes Bondye e kontinyen vin deplizanpli for. (Pr 4:18) Pour kontinyen swiv sa ki Zeova i oule nou fer, nou bezwen mars dan son lalimyer. (Iza 2:3-5) De lot kote, ler en dimoun i get keksoz dan en move fason oubyen avek move lentansyon, i dan en gran fernwanr spirityel. Parey Zezi i dir: “Si ou lizye i get sa ki move, ou lekor antye pou dan fernwanr. Si sa lalimyer ki dan ou i vin fernwanr, ou vreman dan en gran fernwanr!”​—Mt 6:23; konpar De 15:9; 28:54-57; Pr 28:22; 2Pyr 2:14.

it-2-E 222 ¶4

Lalwa

“Lalwa rwayal.” Sa “lalwa rwayal” ti pli enportan parmi lezot lalwa e i ti ed bann lerwa annan en bon relasyon avek lezot. (Zak 2:8) Lalyans Lalwa ti baze lo lanmour e “ou devret kontan ou prosen parey ou kontan ou prop lekor” (lalwa rwayal) ti sa dezyenm komannman ki Lalwa antye ek lansennyman bann Profet i baze lo la. (Mt 22:37-40) Menm si bann Kretyen pa anba lalyans Lalwa, zot anba lalwa Zeova ki Lerwa ek son garson Zezi Kri ki osi Lerwa an rapor avek sa nouvo lalyans.