Annan labonte

Sa ki Zezi ti fer

VIDEO: Zezi i geri en zonm aveg

1. Get sa VIDEO oubyen lir Zan 9:​1-7. Apre reponn sa bann kestyon swivan:

1. Ki premye keksoz Zezi ti fer? Eski i ti geri sa zonm aveg ouswa i ti koz lo sa bon nouvel avek li?—Vwar Zan 9:​35-38.

2. Akoz ou krwar sa zonm ti anvi ekout sa bon nouvel?

Ki nou aprann avek Zezi?

2. En dimoun pou pli anvi ekout nou mesaz si i santi ki nou enterese avek li.

Fer parey Zezi

3. Konpran sityasyon sa dimoun. Esey mazinen ki mannyer i santi.

1. Demann ou lekor: ‘Kwa ki kapab pe trakas li? Kwa ki kapab ed li e enteres li?’ Ler ou fer sa, i pou ed ou demontre labonte dan en fason natirel e senser.

2. Ekout sa dimoun. Ler ou fer sa, ou montre ki ou enterese avek sa ki enportan pour li. Si i koz avek ou lo sa ki i pe santi konsernan en keksoz oubyen si i koz lo en problenm ki i pe fer fas avek, pa sanz topik.

4. Koz dan en fason zantiy e annan respe. Ler ou annan konpasyon pour sa dimoun e ou vreman anvi ed li, sa dimoun pou santi sa dan ou lavwa. Vey byen sa ki ou dir e lafason ki ou dir li, evite dir bann keksoz ki kapab ofans sa dimoun.

5. Pare pour ede. Rod bann loportinite pour ed sa dimoun dan bann fason pratik. Ler nou demontre labonte, i pou pli pare pour koz avek nou.