FER FAS AVEK PRI LAVI KI PE OGMANTE

Annan lespwar

Eski pri lavi dan ou pei i plis ki ou saler? Eski ou trakase lo ki mannyer ou pou pran swen avek ou lekor ek ou fanmir? Si wi, petet ou kapab enkyet pour ou lavenir. Pourtan, menm dan bann sityasyon difisil koumsa, i enportan pour annan lespwar.

AKOZ I ENPORTAN

Dimoun ki annan lespwar pa zis swete ki bann bon keksoz i arive. Lespwar i donn zot lafors pour fer keksoz e pour byen profit sa sityasyon ki zot ladan. Par egzanp, resers i montre ki dimoun ki annan lespwar . . .

i pli kapab andir bann difikilte
i pli kapab adapte
i fer bann pli bon desizyon ki ed zot pour viv pli byen e annan en bon lasante

SA KI OU KAPAB FER

Premyerman, gete ki mannyer Labib i kapab ed ou la konmela. Labib i annan bann konsey pratik ki kapab ed ou pour fer fas avek pri lavi ki pe kontinyen ogmante. Sa bann konsey ek lezot keksoz i kapab ed ou pour annan plis kontrol lo ou lavi e osi pour prepar ou pour okenn problenm ki ou kapab rankontre a lavenir.

“Bon zizman pou protez ou e lentelizans pou vey lo ou.”—Proverb 2:11, New Century Version.

Dezyenmman, reflesir lo sa ki Labib i dir konsernan lavenir. Ler ou rekonnet valer sa lasazes ki ganny trouve dan Labib, petet sa pou pous ou pour get pli byen sa ki Labib i dir lo lavenir. Par egzanp, ou pou aprann ki Bondye pa zis anvi donn ou “en lavenir ek en lespwar” me i’n osi donn en fondasyon solid pour sa lespwar. (Zeremi 29:11) Sa fondasyon i Rwayonm Bondye.

KISISA RWAYONM BONDYE E KI I POU FER?

Rwayonm Bondye i en gouvernman ki pou diriz lo later antye. (Danyel 2:44; Matye 6:10) I pou dirize depi dan lesyel e i pou met en lafen avek soufrans ek lapovrete. Alor i pou annan lape e tou dimoun pou annan sa ki zot bezwen parey sa bann verse Labib i montre.

“Ou pou ere e ou pou prospere.”—Psonm 128:2.

“Zot [bann sitwayen sa Rwayonm] pa pou rente pour nanryen.”—Izai 65:23.

“Manze pou annabondans lo later.”—Psonm 72:16.

Plizyer milyon dimoun i annan konfyans dan sa bann promes, zot asire ki Bondye “pa kapab koz manti.” (Tit 1:2) Alor, akoz ou pa esey get dan Labib pour ou menm? Sa lespwar ki i donnen i kapab donn ou sa lafors ki ou bezwen pour fer fas avek bann problenm lekonomi e pour esper en meyer lavenir avek konfyans.