¿Daizeze Bedʼea lebʉrʉde sãwũã oita?

Daizeze Bedʼeade nebʉra bio edabʉ akʉza naʉ̃neba nekʼãrẽ mejãcha kʼawuaseabʉ. Mamina dayirãbara audre kʼawuaita akʉza biʼia ũrĩta daya lenʉmʉne krĩchadadrʉ sãwũã berabarinʉmʉta. Kʼawuadadrʉ maʉ̃ra sãwũã oseapanʉta.

• Lera nemi jĩgʉa. Mawũã biʼia kʼawuaseapanʉ kʼãrẽ berabarinʉmʉta. Bari jaraita mebẽrãbawaraʉba kʼawuapanʉbʉrʉ Daizeze Bedʼeata akʉza maʉ̃ne edabʉbʉrʉ ẽbẽra bio nebʉrabʉta, jaraseabʉ aba abakaʉʼa bedʼeamarẽã ẽbẽra Daizeze Bedʼeade bedʼeabʉba jarabʉ kĩrãkʼa.

• Krĩchara sãwũã berabarinʉmʉta. Daizeze Bedʼea lebʉrʉdera krĩchara ãya kʼãrẽta krĩcha basita akʉza senti basita. Mõbe bʉyikʉza krĩchaseabʉ: ¿kʼãrẽa mawũã jarabʉ akʉza obʉ? ¿Mʉ̃ta iyi basibʉrʉ kʼãrẽta krĩchakausi akʉza sãwũã sentikausi?

• Dibujota ora. Bedʼea neẽ bʉa dibujota biʼia okʼawua ẽ bʉrʉ, ora bʉa dibujaseabʉta, maʉ̃ta ora mesera kĩrãdua ẽ bayi akʉza biʼia krĩchayi kʼãrẽ berabaridata.