¿Bia babiseabʉka organizasionʼra naʉ̃ drʉadebʉbara?

Naʉ̃ drʉadera yõra audre wã baera, Naciones Unidasbara akʉza awuru organizasionba, nekʼãrẽ opanʉ mawũã aduʼa panaitaa akʉza yõ nʉmʉnera zokʼapanʉ ẽbẽrarãta mawũã maʉ̃raba kʼarebamarẽã akʉza mama aduʼa panamarẽã. Antonio Guterres, secretario general de las Naciones Unidasba naʉ̃ta jarabʉ: «Ẽbẽrarã mama wãira jʉrʉpanʉrabara wãrĩnu kʼarebapanʉ naʉ̃ drʉa jõmaʉ̃nẽ aduʼa panamarẽã».

Naʉ̃rabara wãrĩnu kʼarebata diapanʉ akʉza maʉ̃ba bia wã. Bari jaraita, ẽbẽrarã yõnepanʉra ẽãta kʼarebabʉ, ãyi drʉaeda jẽda wãita akʉza nekʼãrẽ awurude mejãcha kʼarebabʉ, wuata diapanʉ, yikota akʉza nekʼãrẽ awuru ãya nesidata, adewara deta jẽda parã diapanʉ, naʉ̃ra ẽbẽrarã mawũã zarea opanʉmina mejãchade bedʼea zromata ũdupanʉ. ¿Bʉka ẽbẽra aba wãrĩnu jõma neneẽã aduʼa erbaira naʉ̃ drʉara? ¿Kʼãrẽta jarabʉ Daizeze Bedʼeaba maʉ̃ ʉ̃rʉ?

¿Saʉ̃ maʉ̃ bedʼea zromara? Akʉza ¿kʼãrẽta jarabʉ Daizeze Bedʼeabara?

Bedʼea zromata. Bedʼea abarika zeda ẽ gorogororata akʉza gorogorora ẽãʉ̃me, drʉa awuara awuarakadebemata ãba trajakĩrãna ẽ ãya nekʼãrẽ awuara awuaraka bia akʉpanʉ baera.

Daizeze Bedʼeaba naʉ̃ta jarabʉ: «Maʉ̃ra nokʼora ewaridera Daizeze ʉ̃tʉbemabara, bʉyi nokʼo jõkata akʉza maʉ̃ nokʼora mia abaʉ pʉwʉrʉ eda berabari ẽ bayi. Naʉ̃ nokʼoba birachiyi akʉza jõma jõbiyi maʉ̃ra nokʼorãra, adewara iyitrʉ ewari jõmaʉ̃nẽ bayi» (Daniel 2:44).

Bedʼea zromata: Zareata akʉza platata mejãcha neẽ edaʉde naʉ̃ra organizasionbara neẽ ẽbẽra ãyi kʼarebaita mia platata mejãcha neẽ maʉ̃ba nekʼãrẽ mejãcha auda ẽ ãyara. Adewara ʉ̃kʉrʉ drʉadera mejãcha yõtabʉba ãyara maʉ̃nera nekʼãrẽ ouda ẽ.

Daizeze Bedʼeaba naʉ̃ta jarabʉ: Daizezeba Jesúsʼra . . . jewedabiside [Jesús] iyi juwarare ʉ̃tʉ, mama iyira wuabemara nokʼoira ʉ̃tabʉ, yi zareabarabʉ ʉ̃tabʉ yi zokʼabʉra ʉ̃tabʉ» (Efesios 1:17, 20, 21).

Daizeze Jeowab ne jõma zokʼa bʉbara jidasi iyi warrata Jesústa nokʼo bamarẽã akʉza nekʼãrẽ bio omarẽã (Daniel 7:13, 14c). Daizezebara Jesúsʼara mejãcha zareata diasi, buru biata, kʼawuamarẽã saʉ̃ta biata akʉza saʉ̃ta zeri ẽãta, maʉ̃ buru biara erpanʉ ẽ organizasionrabara (Isaías 11:2). Jesúsbida iyi juwa edre mejãcha erbʉ angelerata (Apocalipsis 19:14). Maʉ̃ba neẽ iya nekʼãrẽ obe ẽãra.

Bedʼea zromata: leyba iduaribi ẽ. Ẽbẽrarã organizasionʼita trajapanʉbara edaʉde nekʼãrẽ mejãcha obe ẽ ãya bia kʼawua ẽ baera kʼãrẽ oita mawũã ẽ bʉrʉ leyba iduaribi ẽ baera, maʉ̃ba edaʉde ãya kʼarebabʉ kĩrãkʼa kʼareba auda ẽ ẽbẽrata .

Daizeze Bedʼeaba jarabʉta: Jesúsba ãyita orra kʼãrãpe naʉ̃ta jarasi: «Mʉ̃aʼa zareata diasida zokʼamarẽã nekʼãrẽ ʉ̃tʉbʉta akʉza nama egorodebʉta» (Mateo 28:18).

Daizezebara Jesúsʼara biʼia jara ũrĩbisi naʉ̃ drʉade nejõma erbamarẽã akʉza zareata diasi maʉ̃ta omarẽã (Juan 5:22). Jesúsbara jõma daucha oyi akʉza iyira aña krĩcha ẽ bayi (Isaías 11:3-5). Maʉ̃ kʼarea Daizeze Bedʼeabara naʉ̃ta jarabʉ Jesús ʉ̃rʉ «Nokʼo warra neneẽã erbaita» akʉza iya zokʼabʉrʉdera kʼẽrẽpa oita akʉza jipa (Isaías 9:6, 7).

Daizeze Nokʼobʉrʉ wãrĩnu aduʼa babiyi

Organizasionbara aduʼa babiseabʉmina ʉ̃kʉrʉ drʉade ãyara mawũãsidu jõbiauda ẽ yõbʉra maʉ̃ra zebʉ baera ẽbẽrarã sodeba ẽbẽrarãra ãyirai yi jʉrapanʉ baera.

«Idi ewadera dayirã aduʼa babe ẽ» (Dennis Jett, former U.S. ambassador).

Mamina Daizeze Nokʼobara wãrĩnu aduʼa babiyi akʉza ẽbẽrarã sode kayiruabʉta ãĩ bʉeyi. Jesús nama egorode basidera iyi kʼaidupanʉra jarasi bedʼeaba akʉza iya obʉdeba ũdubisi sãwũã aduʼa baibarata akʉza kãga ũdubibarata wuabemara, ʉ̃kʉrʉ yizata akʉdaya maʉ̃ranebemata:

Jesúsbara jarasi ẽbẽrarã Daizeze Nokʼo edre bairabara kãgata ũdubidaibarata yiya akʉza Daizeze Nokʼodera edara ba ẽ bayi ẽbẽrarã yiya jʉrapanʉra. Maʉ̃ta jara ũrĩbibʉ Daizeze Bedʼeabara naʉ̃ra testorane:

Jeowaba osi baera ẽbẽrarã, maʉ̃ba iyara kʼawuabʉ sãwũã aduʼa babita ẽbẽrarã naʉ̃ drʉa jõmaʉ̃nẽ maʉ̃ra iyi Nokʼoba oyi. Organizasion naʉ̃ drʉade panʉraba auda ẽãta ẽbẽrarã aduʼa babiyi.