Jiñi i sujmlel chaʼan i Yumʌntel Dios
Jesús tsiʼ cʌntesa ti oración jiñi xcʌntʼañob i chaʼan bajcheʼ iliyi: «C Tat lojon añet bʌ ti panchan, laʼ chʼujutesʌntic a cʼabaʼ. Laʼ tilic a yumʌntel. Laʼ mejlic chuqui a wom ti pañimil cheʼ bajcheʼ ti panchan» (Mateo 6:9, 10). ¿Chuqui jiñi i Yumʌntel Dios? ¿Chuqui woliʼ mel? ¿Chucoch yom mi lac taj ti tʼan cheʼ mucʼonla ti oración?
Jesús jiñʌch jiñi Rey tiʼ Yumʌntel Dios
Lucas 1:31-33: «Mi caj a wotsʌben i cʼabaʼ Jesús. Mi caj i qʼuejlel ti ñuc. Mi caj i pejcʌntel tiʼ Yalobil jini Cʼax Ñuc bʌ. Lac Yum Dios mi caj i yʌqʼuen i yeʼtel ti Rey tiʼ qʼuexol i ñojteʼel, i cʼabaʼ David. Mi caj i chaʼlen i yeʼtel ti Rey tiʼ tojlel i pʼolbal Jacob tiʼ pejtelel ora. Maʼanic mi caj i jilel i yumʌntel».
Jiñi i Yumʌntel Dios jiñʌch tsaʼ bʌ i wen taja ti tʼan Jesús
Mateo 9:35: «Jesús tsaʼ ñumi tiʼ pejtelel tejclum tac yicʼot ti pejtelel xchumtʌl tac. Tsiʼ chaʼle cʌntesa tiʼ sinagoga tac judíojob. Tsiʼ subu jini wen tʼan chaʼan i yumʌntel Dios. Tsiʼ luʼ lajmesa cʼamʌjel tac yicʼot chʌmel tac».
Jesús tiʼ sube jiñi xcʌntʼañob i chaʼan chuqui tac mi caj i pʌs chaʼan lʌcʼʌlix i Yumʌntel
Mateo 24:7: «Jini añoʼ bʌ ti jumpejt lum mi caj i techob guerra tiʼ contra añoʼ bʌ ti yambʌ lum. Jini añoʼ bʌ tiʼ wenta juntiquil yumʌl mi caj i techob guerra tiʼ contra jini añoʼ bʌ tiʼ wenta yambʌ yumʌl. Tal wocol yicʼot cabʌl wiʼñal yicʼot i yujquel lum ti cabʌl lum».
Jiñi xcʌntʼañob i chaʼan Jesús woliʼ subob tiʼ pejtelel Pañimil chaʼan i Yumʌntel Dios
Mateo 24:14: «Jini wen tʼan chaʼan i yumʌntel Dios mi caj i sujbel ti pejtelel pañimil chaʼan miʼ yubintel ti pejtelel pañimil. Ti jim bʌ ora mi caj i tilel i jilibal».