28 DE JULIO-3 DE AGOSTO

PROVERBIOS 24

Cʼay 38 yicʼot oración | Tʼan tac chaʼan i tejchibal (1 min.)

ÑUC TAC BɅ I CʼɅJÑIBAL TI BIBLIA

1. Pʼʌtʼesan a bʌ ili ora chaʼan miʼ mejlel a ñusan jiñi wocol tac

(10 min.)

Yom mi lac ñumen tsajin jiñi Biblia chaʼan mi lac ñumen taj lac ñaʼtʌbal (Pr. 24:5; w23.07 17 párr. 15).

Anquese chʼijyemet, mach a cʌy a mel oración, a pejcan jiñi Biblia yicʼot jiñi tempa bʌ tac (Pr. 24:10; w24.01 23 párr. 9).

Mi p’ʌtʌloñʌchla tiʼ chaʼan bʌ Jehová mi caj i coltañonla lac ñusan jiñi wocol tac (Pr. 24:16; w20.12 15).

Juntiquil hermana am bʌ i chaʼan cáncer tijicña woli ti subtʼan yicʼot i yamiga. An chuqui woliʼ pʌsben tiʼ tableta jiñi xʼixic yaʼ bʌ an ti puerta.

2. Laʼ lac sʌclan ñuc tac bʌ i cʼʌjñibal

(10 min.)

Pr. 24:27. ¿Chuqui miʼ pʌsbeñonla ili versículo? (lv cʌntesʌntel 10 párr. 13-15).

I jacʼbal
¿Chuqui ñuc tac bʌ i cʼʌjñibal tsaʼ taja tiʼ pejcʌntel jiñi Biblia ili semana?

I jacʼbal

3. I pejcʌntel jiñi Biblia

(4 min.) Hch 27:1-12 (th cʌntesʌntel 11).

SUJTEN TI WEM BɅ XCɅNTESA

4. ¿Bajcheʼ miʼ mejlel a tech tʼan?

(2 min.) SUBTʼAN BAQUI JACH AÑONLA. Maʼ tech tʼan pero maʼañix miʼ mejlel a suben chaʼan bʌ jiñi Biblia (lmd lección 2 punto 4).

5. ¿Bajcheʼ miʼ mejlel a tech tʼan?

(3 min.) SUBTʼAN TI OTOT TAC. (lmd lección 3 punto 4).

6. ¿Bajcheʼ miʼ mejlel a tech tʼan?

(3 min.) SUBTʼAN BAQUI AN CABɅL LAC PIʼɅLOB. Suben jiñi woli bʌ a pejcan bajcheʼ yilal jiñi estudio muʼ bʌ la cʌcʼ i aqʼuen jumpʼejl tarjeta de contacto chaʼan bʌ jiñi estudio (lmd lección 4 punto 3).

7. Discurso

(3 min.) lmd apéndice A punto 11. Tema: Dios an chuqui ñuc bʌ i cʼʌjñibal yom i pʌsbeñonla (th cʌntesʌntel 6).

I MELBAL JIÑI XÑOPTʼAN

Cʼay 99

8. Laʼ laj coltan lac bʌ cheʼ tiʼ yorajlel wocol

(15 min.) Tsajin yicʼot yaʼ bʌ tempʌbilob.

Cheʼ mach pijtʌbilic lac chaʼan miʼ mejlel ti waʼ ujtel yujquel, butʼjaʼ o miʼ waʼ tejchel tsʌts bʌ cʼamʌjel tac, guerra, ticʼlʌntel. I cheʼ jaʼel jiñi lac piʼʌlob miʼ mejlel i tech i contrajiñob jiñi yumʌlob. Jiñi hermanojob muʼ bʌ i ñusañob ili wocol tac miʼ laja coltañob i bʌ yicʼot miʼ ñuqʼuesʌbeñob i bʌ i pusicʼal. Tajol joñonla maʼañic woli lac ñusan jiñi wocol tac, pero cʼuxʌch mi la cubin muʼ bʌ i ñusañob jiñi hermanojob i mi lac chaʼlen wersa laj coltañob (1Co 12:25, 26).

Foto tac muʼ bʌ i pʌs bajcheʼ jiñi hermanojob woliʼ chaʼleñob coltaya. 1. Hermanojob woliʼ chaʼ melob i Yotlel tempa bʌ tsaʼ bʌ jejmi. 2. Jiñi hermanojob tijicña woliʼ yʌqʼueñob bienvenida juntiquil hermana yicʼot i yalʌ chʼoc. 3. Juntiquil hermana woliʼ yʌcʼ i donación tiʼ Yotlel tempa bʌ. 4. Ti jumpʼejl i Yotlel tempa bʌ, jiñi hermanojob woliʼ yʌqʼueñob muʼ bʌ caj i cʼʌjñibʌyel i chaʼañob yambʌ hermanojob woli bʌ i ñusañob wocol. 5. Hermanojob woliʼ pucob jaʼ. 6. Juntiquil hermano woli ti oración.

Pejcan 1 Reyes 13:6 yicʼot Santiago 5:16b. Cheʼ jiñi cʼajtin:

¿Chucoch jiñi oración muʼ bʌ lac mel miʼ mejlel i coltan yambʌ hermanojob?

I jacʼbal

Pejcan Marcos 12:42-44 yicʼot 2 Corintios 8:1-4. Cheʼ jiñi cʼajtin:

Tajol mach cabʌlic lac taqʼuin i tsʼitaʼ jach miʼ mejlel la cʌcʼ jiñi lac donación chaʼan mi laj coltan jiñi hermanojob. Pero ¿chucoch ñucʌch i cʼʌjñibal mi la cʌcʼ?

I jacʼbal

Qʼuelela jiñi VIDEO Miʼ ñuqʼuesʌbeñob i pusicʼal jiñi hermanojob cheʼ bʌ an ticʼlʌntel. Cheʼ jiñi cʼajtin:

¿Chuqui tsiʼ meleyob jiñi Testigojob chaʼan miʼ coltañob jiñi hermanojob chumuloʼ bʌ baqui mʌctʌbil jiñi subtʼan?

I jacʼbal
¿Chuqui tsiʼ meleyob jiñi hermanojob chaʼan maʼan miʼ cʌy i tempañob i bʌ yicʼot i pʼʌtʼesañob i bʌ tiʼ yorajlel wocol? (Heb 10:24, 25).

I jacʼbal