Jesús tsaʼ chʌmi tiʼ tojlel la quermañojob jaʼel

Jesús tsiʼ yʌcʼʌ i cuxtʌlel chaʼan jiñi xmuliloʼ bʌ (Ro. 5:8). Ti lac pejtelel mi la cʌqʼuen wocolix i yʌlʌ chaʼan jiñi cʼuxbiya tsaʼ bʌ i pʌsʌ. Pero mach yomic miʼ ñajʌyel lac chaʼan chaʼan tsiʼ yʌcʼʌ i cuxtʌlel jaʼel tiʼ tojlel la quermañojob come xmulilob jaʼel bajcheʼ joñonla. Laʼ laj qʼuel uxchajp bajcheʼ miʼ mejlel lac pʌs laj cʼuxbiya tiʼ tojlel la quermañojob cheʼ bajcheʼ tsiʼ mele Jesús. Ñaxam bʌ, mi lac sujtesan ti la camigojob jiñi mach bʌ lajalic chuqui ñusʌbil i chaʼañob bajcheʼ joñonla (Ro. 15:7; 2 Co. 6:12, 13). Yambʌ, mach lac mel o la cʌl muʼ bʌ i mejlel i yʌcʼ ti wocol la quermañojob (Ro. 14:13-15). Cojix bʌ, mi lac ñusʌben i mul ti ora jiñi muʼ bʌ i mel mach bʌ weñic ti lac tojlel (Lc. 17:3, 4; 23:34). Cheʼ mucʼʌch lac chaʼlen wersa lac lajin Jesús, Jehová mi caj i yʌcʼ ñʌchʼtʌlel ti congregación yicʼot temel mi caj i yajñel.

CHEʼ BɅ TSAʼIX LAʼ QʼUELE JIÑI VIDEO ¡LAʼ LAC ÑUMEN WEÑʼESAN LAC MELBAL!, JACʼɅ ILI CʼAJTIYA TAC:

• 

  ¿Bajcheʼ yilal tsiʼ qʼuele ti ñaxan i congregación Miki?

• 

  ¿Chucoch yʌñʌlix tsaʼ caji i qʼuel?

• 

  ¿Bajcheʼ tsiʼ colta i yʌn i pensar jiñi tsaʼ bʌ i mele Jesús? (Mr. 14:38).

• 

  ¿Bajcheʼ miʼ mejlel i coltañonla Proverbios 19:11 chaʼan wen jach mi laj qʼuel la quermañojob?