Jiñi cʼuxbiya miʼ yʌcʼ ti cʌjñel jiñi isujm bʌ xñoptʼañob: Mach lac bajñel ñaʼtan lac bʌ i mach orajic yom mi lac michʼan

¿CHUCOCH ÑUC I CʼɅJÑIBAL? Jesús tsiʼ yʌlʌ chaʼan jiñi isujm bʌ xñoptʼañob mi caj i cʌjñelob tiʼ cʼuxbiya (Jn. 13:34, 35). Chaʼan miʼ lac pʌs laj cʼuxbiya bajcheʼ i chaʼan Cristo yom mi lac chʼʌm ti ñuc yambʌlob i mach orajic yom mi lac michʼan (1 Co. 13:5).

¿BAJCHEʼ YOM MIʼ MEJLEL?

• Yom mi lac ñaxan qʼuel chucoch tsaʼ tejchi jiñi wocol, i chuqui miʼ mejlel ti ujtel cheʼ mach la cujilic i ticʼol lac bʌ cheʼ bʌ an majqui miʼ mel o miʼ yʌl maʼañic bʌ mi lac mulan (Pr. 19:11).

• Mach yom miʼ ñajʌyel lac chaʼan, luʼ xmulilonla i an i tajol mi la cʌl o lac mel muʼ bʌ i yʌqʼueñonla lac chaʼ ñaʼtan lac bʌ ti wiʼil.

• Yom ti ora mi lac ñusʌben lac bʌ lac mul.

CHEʼ BɅ TSAʼIX LAʼ QʼUELE JIÑI VIDEO YOM MI LAJ CʼUXBIN YAMBɅLOB: JIÑI AM BɅ I CʼUXBIYA MAʼAÑIC MIʼ BAJÑEL ÑAʼTAN I BɅ I MAʼAÑIC MIʼ BɅCʼ MICHʼAN, JACʼɅ ILI CʼAJTIYA TAC:

• ¿Bajcheʼ yilal tsiʼ jacʼʌ Daniel cheʼ bʌ an chuqui tsaʼ subenti ti Tomás?

• ¿Chucoch tsiʼ colta Tomás chaʼan maʼañic miʼ michʼañob?

• ¿Chuqui tsaʼ ujti cheʼ wen jach tsiʼ jacʼʌ Tomás?