Jiñi cʼuxbiya miʼ yʌcʼ ti cʌjñel jiñi isujm bʌ xñoptʼañob: Laʼ lac tijicñesan lac bʌ yicʼot jiñi i sujmlel

¿CHUCOCH ÑUC I CʼɅJÑIBAL? Yom mi lac sub jiñi i sujmlel chaʼan jiñi ñaʼtʌbil bʌ i chaʼan Dios cheʼ bajcheʼ tsiʼ mele Jesús (Jn. 18:37). Anquese chumulonla ti jumpʼejl pañimil baqui cabʌl lotiya, ticʼlʌntel, pero yom tijicñayonla chaʼan jiñi toj bʌ, cheʼ mi la cʌl i sujmlel yicʼot cheʼ mi lac pensalin jiñi isujm bʌ (1 Co. 13:6; Fil. 4:8).

¿BAJCHEʼ YOM MIʼ MEJLEL?

• Mach yomic mi lac ñʌchʼtan jiñi mach bʌ isujmic o mi lac puc (1 Ts. 4:11).

• Mach yomic miʼ yʌqʼueñonla tijicñʌyel cheʼ an chuqui miʼ chaʼlen juntiquil.

• Yom mi lac ñaʼtan chuqui wem bʌ i muʼ bʌ mejlel i coltañonla.

CHEʼ TSAʼIX LAʼ QʼUEJLE JIÑI VIDEO YOM MI LAJ CʼUXBIN YAMBɅLOB: JIÑI AM BɅ I CʼUXBIYA MACH TIJICÑA CHEʼ AN MACH BɅ WEÑIC, TIJICÑA CHEʼ UTSʼAT MIʼ LOQʼUEL JIÑI TOJ BɅ, JACʼɅLA ILI CʼAJTIYA TAC:

• ¿Chucoch mi la cʌl chaʼan Lisi miʼ taj i tijicñʌyel cheʼ an i «ticʼlʌntel juntiquil»?

• ¿Chuqui tsiʼ mele Alicia chaʼan miʼ qʼuextan i tʼan i miʼ yʌl chuqui wem bʌ?

• ¿Chuqui wem bʌ miʼ mejlel la cʌl?