I MELBAL JIÑI XÑOPTʼAN
¿Muʼ ba i mejlel a tsictesan chucoch maʼ ñop chaʼan añʌch Dios?
Cheʼ añic majqui miʼ cʼajtibeñet chucoch maʼ ñop chaʼan añʌch Dios, ¿chuqui mi caj a suben? Chaʼan maʼ pʌs chaʼan mucʼʌch a ñop, an chuqui chaʼchajp yom bʌ maʼ mel. Ñaxam bʌ, yom maʼ ñop chaʼan añʌch majqui tsiʼ mele pejtelel chuqui an (Ro. 12:1, 2). I chaʼpʼejlel, yom maʼ ñaʼtan bajcheʼ miʼ mejlel a tsictesan chuqui muʼ bʌ a ñop (Pr. 15:28).
CHAʼAN MI LAC ÑAʼTAN CHUQUI AN I COLTA JIÑI LAC PIʼɅLOB CHAʼAN MIʼ ÑOPOB CHAʼAN AÑɅCH DIOS, QʼUELE JIÑI VIDEO JUNTIQUIL CIRUJANA YUJIL BɅ CHAʼAN LAC BɅQUEL MIʼ YɅL CHUCOCH MIʼ ÑOP DIOS YICʼOT JUNTIQUIL MUʼ BɅ I CHAʼLEN TI ESTUDIAR AÑIMAL TAC MIʼ YɅL CHUCOCH MIʼ ÑOP DIOS. TI WIʼIL JACʼɅ ILI CʼAJTIYA TAC:
¿Chucoch Irène Hof Laurenceau miʼ ñop chaʼan añʌch majqui tsiʼ mele pejtelel chuqui an i chaʼan mach tilemic ti evolución?
¿Chucoch Yaroslav Dovhanych miʼ ñop chaʼan añʌch majqui tsiʼ mele pejtelel chuqui an i chaʼan mach tilemic ti evolución?
¿Bajcheʼ maʼ tsictesʌben juntiquil chucoch maʼ ñop chaʼan añʌch majqui tsiʼ mele pejtelel chuqui an?
¿Chuqui tac ti jun i chaʼan bʌ i yorganización Jehová miʼ mejlel i coltañet a ñop chaʼan añʌch majqui tsiʼ meleyonla yicʼot chaʼan maʼ cʼʌn a tsictesʌben yambʌlob?