24 CHAʼAN FEBRERO-2 CHAʼAN MARZO

PROVERBIOS 2

Cʼay 35 yicʼot oración | Tʼan tac chaʼan i tejchibal (1 min.)

ÑUC TAC BɅ I CʼɅJÑIBAL TI BIBLIA

1. ¿Chucoch ti jumpʼejl lac pusicʼal yom mi lac chaʼlen estudio?

(10 min.)

Mi lac pʌs chaʼan mi lac wen qʼuel ti ñuc jiñi i sujmlel (Pr. 2:3, 4; w22.08 18 párr. 16).

Miʼ coltañonla chaʼan wen chuqui mi lac yajcan lac mel (Pr. 2:5-7; w22.10 19 párr. 3, 4).

Miʼ pʼʌtʼan lac ñopoñel (Pr. 2:11, 12; w16.09 22 párr. 2, 3).

Juntiquil israelita woliʼ topʼ xajlel yaʼ ti mal chʼen.

CʼAJTIBEN A BɅ: «¿Chuqui miʼ mejlel c mel chaʼan mic ñumen weñʼesan bajcheʼ mic chaʼlen estudio?».

2. Laʼ lac sʌclan ñuc tac bʌ i cʼʌjñibal

(10 min.)

Pr. 2:4, 5. ¿Chuqui an i coltayet chaʼan maʼ ñumen tajben i wenlel cheʼ maʼ chaʼlen estudio? (w22.08 18 párr. 16).

I jacʼbal
¿Chuqui ñuc tac bʌ i cʼʌjñibal tsaʼ taja tiʼ pejcʌntel jiñi Biblia ili semana?

I jacʼbal

3. I pejcʌntel jiñi Biblia

(4 min.) Lu 23:1-16 (th cʌntesʌntel 12).

SUJTEN TI WEM BɅ XCɅNTESA

4. ¿Bajcheʼ miʼ mejlel a tech tʼan?

(4 min.) SUBTʼAN TI OTOT TAC. Pʌsben jiñi lac piʼʌl bajcheʼ miʼ mejlel i sʌclan ti jw.org jumpʼejl tema chaʼan ñujpuñemoʼ bʌ (lmd lección 1 punto 3).

5. Mele revisita tac

(3 min.) SUBTʼAN BAQUI JACH AÑONLA. Cheʼ bʌ tsaʼ pejca ti yambʌ qʼuin, jiñi lac piʼʌl tsiʼ mulaj i ñumen cʌn jumpʼejl tema. Cʌyben jumpʼejl revista muʼ bʌ i taj ti tʼan jiñi tema (lmd lección 9 punto 3).

6. Discurso

(5 min.) lmd apéndice A punto 8. Tema: Jiñi ñujpuñemoʼ bʌ yom miʼ pʌsbeñob i bʌ i xucʼtilel (th cʌntesʌntel 13).

I MELBAL JIÑI XÑOPTʼAN

Cʼay 96

7. ¿Woli baʼ sʌclan jiñi wen letsem bʌ i tojol?

(15 min.) Tsajin yicʼot yaʼ bʌ tempʌbilob.

Xcolel, ¿a wujil ba chaʼan an chuqui wen letsem bʌ i tojol miʼ mejlel a taj? ¿A wom baʼ sʌclan? Jiñi ñumen lets bʌ i tojol yaʼʌch miʼ mejlel a taj ti Biblia: Jiñi i ñaʼtʌbal Dios (Pr. 2:4, 5). ¿Bajcheʼ miʼ mejlel a taj? Jiñʌch cheʼ ti bele ora maʼ pejcan jiñi Biblia yicʼot cheʼ maʼ chaʼlen ti investigar jiñi relato tac muʼ bʌ a pejcan. ¡Mi caj a wen ñusan a bʌ yicʼot mi caj a ñumen cʌn!

¿Chuqui ti cʼajtiya tac miʼ mejlel a melben a bʌ cheʼ bʌ woli a pejcan jiñi a Biblia? (w24.02 32 párr. 2, 3).

I jacʼbal
¿Chuqui tac miʼ mejlel a cʼʌn chaʼan maʼ tajben i jacʼbal a cʼajtiya tac?

I jacʼbal

Juntiquil xcolel woliʼ jam jumpʼejl caja i yaʼ tiʼ mal jiñi caja tsiʼ taja wen letsem bʌ i tojol.

Jiñi video tac muʼ bʌ i tilel ti jiñi serie «Laʼ laj cʌn tiʼ tojlel jiñi i yamigojob Jehová» miʼ mejlel i coltañet chaʼan maʼ chaʼlen ti meditar muʼ bʌ a pejcan yaʼ ti Biblia.

Juntiquil xcolel woliʼ pejcan jiñi Biblia. Ti jiñi i mesa yaʼ an jiñi folleto «¿Es la vida obra de un Creador?».

Qʼuelela jiñi VIDEO Laʼ laj cʌn tiʼ tojlel jiñi i yamigojob Jehová: Abel.

Pejcan Génesis 4:2-4 yicʼot Hebreos 11:4. Cheʼ jiñi cʼajtin:

¿Chuqui tsiʼ mele Abel chaʼan miʼ pʌs chaʼan i yamigo Jehová?

I jacʼbal
¿Chuqui tsiʼ mele Abel chaʼan miʼ ñumen ñop ti Jehová?

I jacʼbal
¿Chuqui miʼ mejlel a mel chaʼan maʼ ñumen ñop ti Jehová?

I jacʼbal

8. Cʌntesʌntel chaʼan i tʼan Dios ti congregación

(30 min.) bt capítulo 23 párr. 1-8, introducción chaʼan jiñi parte 8.