«Tsiʼ ñusa jiñi mulil tac tsaʼ bʌ laʼ mele ti wajali»

Chaʼan miʼ mejlel ti ñusʌntel lac mul i cʼʌjñibal lac chaʼan jiñi i cuxtʌlel tsaʼ bʌ i yʌcʼʌ Jesús (Efes. 1:7). Pero jiñi Biblia miʼ yʌl «Dios tsiʼ pʌsʌ i pijt i tsiʼ ñusa jiñi mulil tac tsaʼ bʌ laʼ mele ti wajali» (Rom. 3:25). ¿Chuqui yom i yʌl iliyi? Chaʼan Jehová tsaʼix i ñusʌbe i mul lac piʼʌlob cheʼ bʌ Jesús maxto i yʌcʼʌ i cuxtʌlel. ¿Bajcheʼqui tsaʼ mejli i mel jiñi?

Tiʼ tojlel Jehová, cheʼ bʌ tsiʼ yʌcʼʌ i tʼan chaʼan mi caj i tilel juntiquil pʼolbalʌl muʼ bʌ caj i coltan jiñi lac piʼʌlob muʼ bʌ i yʌcʼob i ñopoñel tiʼ tojlel, lajal bajcheʼ tsaʼix i tojo jiñi laj coltʌntel (Gn. 3:15; 22:18). Jin chaʼan, wen yujil chaʼan jiñi Yalobil mucʼʌch caj i yʌcʼ i cuxtʌlel chaʼan miʼ toj lac mul (Gál. 4:4; Heb. 10:7-10). I cheʼ bʌ Jesús wʌʼix an ti Pañimil bajcheʼ chocbil bʌ tilel i chaʼan Dios, tsaʼ mejli i ñusʌben i mul jiñi lac piʼʌlob come yujil chaʼan cheʼ bʌ miʼ yʌcʼ i cuxtʌlel mi caj i toj jiñi mulil (Mat. 9:2-6).