Bajcheʼ miʼ mejlel laj cʼajtesan texto tac

¿Baqui bʌ jiñi texto muʼ bʌ a wen mulan? Tajol mach jumpʼejlic jach. Tajol an jumpʼejl texto muʼ bʌ i ñuqʼuesan a pusicʼal o muʼ bʌ i coltañet cheʼ bʌ miʼ tilel a chʼijyemlel. O tajol an jumpʼejl muʼ bʌ a mulan a suben yañoʼ bʌ (Sal. 119:​11, 111). Pero tajol wocol mi la cubin chaʼan mi laj cʼajtesan pejtelel chuqui miʼ yʌl o baqui mi lac taj. Laʼ laj qʼuel chuqui miʼ mejlel i coltañonla chaʼan mi laj cʼajtesan jiñi texto tac.

• Cʼʌñʌ jiñi etiqueta tac am bʌ ti JW Library^®. Cheʼ bʌ woli a pejcan jiñi Biblia yaʼ ti aplicación i maʼ taj jumpʼejl texto a wom bʌ a chaʼ cʼajtesan, otsʌben jumpʼejl etiqueta muʼ bʌ i yʌl «Texto tac muʼ bʌ c wen mulan».

• Acʼʌ jiñi texto baqui cʼajpan tsiquil. An hermanojob muʼ bʌ i tsʼijbuñob jiñi versículo ti jun i miʼ pʌcʼob ti espejo o ti refri. Yambʌ miʼ locʼsʌbeñob foto i miʼ yʌcʼob bajcheʼ i fondo de pantalla tiʼ teléfono o tiʼ computadora.

• Mele tarjeta tac chaʼan maʼ cʼajtesan. Tiʼ junwejlel jiñi tarjeta tsʼijbun jiñi capítulo yicʼot jiñi versículo, i ti yambʌ i junwejlel tsʼijbun muʼ bʌ i yʌl jiñi texto. Mi jin maʼ qʼuel yaʼ baqui tsʼijbubil jiñi capítulo yicʼot versículo, ñopo a cʼajtesan chuqui miʼ yʌl jiñi texto. I mi jin maʼ qʼuel muʼ bʌ i yʌl jiñi texto, ñopo a cʼajtesan ti baqui bʌ capítulo yicʼot versículo an.