I tejchibal jiñi sección 8

Jehová tsiʼ yʌqʼue bendición jiñi Salomón cheʼ bʌ tsiʼ yʌqʼue i ñaʼtʌbal yicʼot cheʼ bʌ tsiʼ yʌqʼue i qʼuel jiñi eʼtel chaʼan i melol (pʌtol) jiñi templo. Pero xucʼu xucʼul tsiʼ cʌyʌ Dios. Mi an a walobilob, subeñob chaʼan jiñi tsaʼ bʌ i chʼujutesayob yambʌ dios tac tsiʼ ñajtʼesayob Salomón ti Jehová. Tsaʼ tʼoxle jiñi yumʌntel, i an reyob tsaʼ bʌ caji i contrajiñob i tejclum Dios yicʼot i chʼujutesañob yambʌ dios tac. Ti jimbʌ ora, yonlel xucʼul bʌ xʼaltʼañob tsaʼ contrajintiyob i tsaʼ tsʌnsʌntiyob. Jiñi reina Jezabel tsiʼ ñumen pʼojlesa i contrajintel i tejclum Dios yaʼ ti yumʌl am bʌ ti norte. Wocol tsiʼ ñusa jiñi israelob. Pero añix to israelob tsaʼ bʌ caji i chʼujutesañob Jehová, cheʼ bajcheʼ jiñi rey Jehosafat yicʼot jiñi xʼaltʼan Elías.