TEMAJ AM BɅ TIʼ TEJCHIBAL | ¿MAJQUIYOB JIÑI I TESTIGOJOB JEHOVÁ?
¿Chucoch mucʼob ti subtʼan?
Jiñi subtʼan tajol jiñʌch miʼ ñumen acʼon lon ti cʌjñel. Ti jujumpʼejl otot mic ñumel lojon ti subtʼan, baqui miʼ wen ñumel wiñicob xʼixicob (quixtañujob) yicʼot baqui jach añob. ¿Chucoch?
I testigojonbʌlon Jehová mucʼon lon ti subtʼan chaʼan mi cʌqʼuen lojon i ñuclel Dios yicʼot miʼ cʌjñel i cʼabaʼ (Hebreos 13:15). Yicʼot chaʼañʌch mic jacʼben lon ili i mandar Cristo: «Cucula cheʼ jiñi. Sutqʼuiñob ti xcʌntʼañob wiñicob xʼixicob ti pejtelel pañimil. [...] Cʌntesanla chaʼan miʼ laj chʼujbiñob pejtelel chuqui tac tsac subeyetla» (Mateo 28:19, 20).
Mic mel lojon jaʼel come mij cʼuxbin lon quixtañujob (Mateo 22:39). Cujil lojon chaʼan yonlel añob i ñopbal, i maʼañic miʼ mulañob i ñʌchʼtañon lojon. Pero mic ñop lojon chaʼan miʼ mejlel i coltʌben i cuxtʌlel jiñi quixtañujob i cʌntesa tac jiñi Biblia. Jiñʌch miʼ ñijcañon lojon chaʼan mic ‹chʌn chaʼlen lon cʌntesa› chaʼan bʌ Jesucristo, cheʼ bajcheʼ tsiʼ mele jiñi ñaxam bʌ xñoptʼañob (Hechos 5:41, 42).
Jiñi sociólogo Antonio Cova Maduro tsiʼ yʌlʌ chaʼan «jiñi i testigojob Jehová maʼañic baqui ora miʼ cʌyob i bʌ, i miʼ chaʼleñob wersa chaʼan tiʼ petol pañimil (mulawil) miʼ cʌjñel i Tʼan Dios». (Periódico i chaʼan Venezuela, El Universal)
Yonlel muʼ bʌ i pejcan lon c jun tac mach Testigojobic. Mij cʌntesan lojon chaʼan Biblia cabʌl yambʌloʼ bʌ i ñopbal yicʼot muʼ bʌ i mulañob julaʼtʌntel ti juntiquil Testigo.
Tajol anto a cʼajtiya tac chaʼañon lojon. An bajcheʼ tac miʼ mejlel a tajben i jacʼbal:
Cʼajtiben juntiquil i testigo Jehová.
Ochen yaʼ ti lon c página chaʼan Internet, www.jw.org/ctu.
Cucu ti lon c tempa bʌ. Mach tojbilic yicʼot majqui jach miʼ mejlel ti ochel.