Coltan a walobil chaʼan pʼʌtʌl i chʼujbiya ti jiñi tsaʼ bʌ i Mele chuqui tac an

Miʼ pʌs i ñuclel Jehová ti jiñi melbil bʌ i chaʼan (Sal. 19:1-4; 139:14). Pero i pañimil Satanás yʌñʌl bajcheʼ miʼ yʌcʼ ti cʌñol chaʼan bajcheʼ tsaʼ mejli chuqui tac an i maʼan miʼ yʌcʼ ti ñuc Jehová (Ro. 1:18-25). ¿Chuqui miʼ mejlel a mel chaʼan maʼan miʼ cʌytʌl tiʼ pusicʼal a walobilob jiñi? Anquese maxto wen añic i jabilelob, coltan i cʌñob chaʼan añʌch Jehová yicʼot chaʼan mucʼʌch i cʼuxbiñob (2 Co. 10:4, 5; Ef. 6:16). Cʼajtiben bajcheʼ yilal miʼ qʼuel jiñi muʼ bʌ i cʌñob ti escuela i cʼʌñʌ jiñi eʼtijibʌl tac chaʼan maʼ cʼotel tiʼ pusicʼalob (Pr. 20:5; Stg. 1:19).

CHEʼ TSAʼIX QʼUEJLI JIÑI VIDEO MUʼ BɅ I YɅL YAMBɅ XCOLELOB: I ÑOPOL DIOS, JACʼɅLA ILIYI:

• ¿Chuqui miʼ yʌl yambʌlob chaʼan i ñopol Dios?

• ¿Chuqui miʼ yʌlob yaʼ ti a escuela?

• ¿Chucoch maʼ ñop chaʼan añʌch Jehová?

• ¿Bajcheʼ miʼ mejlel a coltan yambʌ chaʼan miʼ ñop chaʼan Diosʌch tsiʼ mele chuqui tac an?