Jiñi cʼay tac chaʼan bʌ Yumʌntel miʼ yʌqʼueñonla lac chʼejlel

Jiñi apóstol Pablo yicʼot Silas tsiʼ cʼʌyiyob Jehová cheʼ bʌ ñupʼulob (Hch. 16:25). Maxto wen jali, jiñi hermanojob tsaʼ bʌ ajñiyob yaʼ ti campo i chaʼan nazijob ti Sachsenhausen (Alemania) yicʼot ti Siberia tsiʼ cʼʌyiyob cʼay tac chaʼan bʌ Yumʌntel. Ili miʼ pʌs chaʼan jiñi cʼay tac miʼ mejlel i tijicñesʌben i pusicʼal jiñi xñoptʼañob cheʼ bʌ añob i wocol.

Tsʼitaʼ jachix yom chaʼan miʼ loqʼuel jiñi tsijiʼ bʌ cʼʌyoñib Laʼ laj cʼʌyin Jehová ti lac tijicñʌyel. Cheʼ bʌ añix lac chaʼan, laʼ lac ñop laj cʼʌyin yaʼ ti lac chʼujutesaya ti familia chaʼan miʼ cʌytʌl ti lac jol (Ef. 5:19). Cheʼ jiñi, cheʼ bʌ mi laj contrajintel, jiñi i yespíritu Dios mi caj i coltañonla laj cʼajtesan. Jiñi cʼay tac miʼ coltañonla laj cʼajtesan lac pijtaya. Miʼ yʌqʼueñonla lac pʼʌtʌlel cheʼ bʌ an lac wocol. Jiñi wen cʼoʼtajax bʌ i letra mi caj i ñijcañonla ti cʼay yicʼot ‹i tijicñʌyel lac pusicʼal› anquese maʼañic woli lac ñusan wocol (1 Cr. 15:16; Sal. 33:1-3). Jin chaʼan, la lac sʌclan bajcheʼ miʼ mejlel lac tajben i wenlel jiñi cʼay tac chaʼan bʌ Yumʌntel.

QʼUELE JIÑI VIDEO JUMPʼEJL CʼAY TSAʼ BɅ I PʼɅTʼESA XCɅJCHELOB, I JACʼɅLA ILIYI:

• ¿Chucoch tsiʼ mele jumpʼejl cʼay jiñi hermano Frost?

• ¿Bajcheʼ tsiʼ colta ili cʼay jiñi hermanojob añoʼ bʌ ti campo i chaʼan Sachsenhausen?

• ¿Bajcheʼ miʼ mejlel i pʼʌtʼesañet jiñi cʼay tac ti muʼ bʌ a mel ti jujumpʼejl qʼuin?

• ¿Baqui bʌ cʼay i chaʼan bʌ Yumʌntel a wom a cʌy ti a jol?