¿Bajcheʼ miʼ mejlel lac tech subtʼan yicʼot jiñi tratado tac?

Cʼʌlʌl cheʼ ti enero, 2018, ti jiñi Jun chaʼan lac tempa bʌ tsaʼ caji ti loqʼuel jiñi sección: «Muʼ bʌ i mejlel la cʌl» chaʼan miʼ coltañonla lac tech subtʼan. An subebilonla chaʼan mi lac chaʼlen tʼan la quicʼot jiñi lac piʼʌlob i chaʼan mach cojach mi la cʌqʼueñob jiñi jun tac. Chaʼan miʼ mejlel lac mel, jiñi video tac chaʼan jiñi sección: «Muʼ bʌ i mejlel la cʌl» an i pʌsbeyonla bajcheʼ miʼ mejlel lac tech tʼan baqui cojach mi laj cʼʌn jiñi Biblia. Pero, ¿yom ba i yʌl iliyi chaʼan maʼañix miʼ mejlel lac yoque cʼʌn jiñi jun tac ti jiñi lac subtʼan ti otot tac? Maʼañic. Jumpʼejl ejemplo, jiñi tratado tac miʼ mejlel i coltañonla chaʼan mi lac tech tʼan la quicʼot lac piʼʌlob. ¿Bajcheʼ miʼ mejlel a cʼʌn?

1. Melben jiñi cʼajtiya tac am bʌ tiʼ tejchibal jiñi tratado i cheʼ jiñi aqʼuen i yajcan baqui bʌ i jacʼbal jiñi cʼajtiya.

2. Pʌsben jiñi texto yaʼ bʌ miʼ tilel tiʼ yopol 2. Mi jiñi lac piʼʌl anto i yorajlel i chaʼan, pejcan yicʼot tsajin chuqui miʼ yʌl jiñi tratado.

3. Aqʼuen jiñi tratado, i suben chaʼan miʼ pejcan cheʼ bʌ an yorajlel i chaʼan.

4. Cheʼ bʌ muʼto caj a sujtel, pʌsben jiñi cʼajtiya yaʼ bʌ miʼ tilel baqui miʼ yʌl: «Cʼajtiben a bʌ» i suben chaʼan tiʼ yanto bʌ qʼuin maʼ wʌqʼuen i jacʼbal yicʼot jiñi Biblia.

Cheʼ bʌ maʼ chaʼ julaʼtan, aqʼuen i jacʼbal jiñi cʼajtiya tsaʼ bʌ a cʌyʌ i cʌyben yambʌ cʼajtiya. Miʼ mejlel a cʌyben jumpʼejl cʼajtiya am bʌ ti lac página i chaʼan Internet o loqʼuem bʌ ti jiñi lac jun tac yaʼ bʌ miʼ tilel tiʼ yujtibal jiñi tratado. Cheʼ bajcheʼ yilal maʼ qʼuel, miʼ mejlel a wʌqʼuen jiñi folleto ¡Jini wen tʼan tilem bʌ ti Dios! o yambʌ jun tac muʼ bʌ laj cʼʌn ti acʼ estudio am bʌ ti jiñi la queʼtijib chaʼan bʌ cʌntesa.