I MELBAL JIÑI XÑOPTʼAN
Laʼ lac chʼujutesan Jehová cheʼ bʌ mi la cochel bajcheʼ precursor regular
Cabʌl chucoch yomʌch cheʼ jiñi israelitajob miʼ yʌqʼueñob i ñuclel Jehová come tsiʼ coltayob loqʼuel yaʼ ti Egipto yicʼot tsiʼ coltayob tiʼ tojlel i soldadojob faraón (Éx. 15:1, 2). Jehová woliʼ bej mel chuqui tac wen tiʼ tojlel i tejclum. ¿Bajcheʼ miʼ mejlel la cʌqʼuen wocolix i yʌlʌ? (Sal. 116:12).
Jumpʼejl ejemplo, mi lac mejlel ti ochel bajcheʼ precursor auxiliar o regular. Laʼ laj cʼajtiben Jehová chaʼan miʼ yʌqʼueñonla lac mulan lac mel ili eʼtel yicʼot lac pʼʌtʌlel chaʼan mi lac tsʼʌctesan (Fil. 2:13). Yonlelob miʼ ñaxan ochelob bajcheʼ precursor auxiliar. Cheʼ ti marzo, ti abril yicʼot ti jiñi uw cheʼ bʌ miʼ cʼotel ti julaʼ jiñi superintendente i chaʼan circuito, miʼ mejlel lac mel 30 o 50 hora. Cheʼ bʌ miʼ cʼotel laj qʼuel chaʼan tsaʼʌch lac mulaj ajñel bajcheʼ precursor auxiliar tajol mi caj lac ñaʼtan ochel bajcheʼ precursor regular. An jumpʼejl bʌ qʼuin miʼ chaʼleñob eʼtel o añob i cʼamʌjel i an ochemob bajcheʼ precursor regular (mwb16.07 8). Ñuc i cʼʌjñibal cheʼ añʌch baqui mi lac chaʼlen wersa chaʼan mi lac chʼujutesan Jehová (1 Cr. 16:25).
CHEʼ BɅ TSAʼIX LAʼ QʼUELE JIÑI VIDEO UXTIQUIL HERMANA CHʼOYOLOʼ BɅ TI MONGOLIA, JACʼɅ ILI CʼAJTIYA TAC:
¿Chuqui ti wocol tsiʼ ñusayob jiñi hermanajob chaʼan miʼ yochelob bajcheʼ precursora?
¿Chuqui ti bendición an i tajayob?
¿Chuqui tsaʼ mejli i tajob chaʼan miʼ ñumen melbeñob i yeʼtel Jehová cheʼ añob bajcheʼ precursora?
¿Bajcheʼ tsiʼ colta yambʌlob jiñi tsaʼ bʌ i meleyob?