Mach laj cʌy laj cʼʌn jiñi revista tac

Cʼʌlʌl cheʼ ti 2018, jiñi lac revista chaʼan bʌ subtʼan cojach jumpʼejl temaj miʼ chʼʌm tilel ti jumpʼejl número. Ili revista tac miʼ mejlel lac taj yaʼ ti la queʼtijib chaʼan bʌ cʌntesa, jin chaʼan miʼ mejlel laj cʼʌn ti subtʼan. Cheʼ jaʼel, miʼ mejlel lac chʼʌm majlel cheʼ bʌ mi lac majlel ti mʌñoñel o cheʼ bʌ mi lac loqʼuel ti xʌmbal. Jiñi revista tac mach melbilic chaʼan mi laj cʼʌn la cʌcʼ estudio, pero miʼ mejlel i coltan jiñi quixtañujob chaʼan miʼ mulañob i ñumen cʌn Dios.

Cheʼ bʌ an majqui woliyet ti tʼan a wicʼot, pejcʌben jumpʼejl texto i tajben ti tʼan jumpʼejl temaj muʼ bʌ i tilel ti lac revista muʼ bʌ mejlel i mulan. Jumpʼejl ejemplo, mi jiñi quixtañu an i familia, mi chʼijyem o miʼ cʌlʌx chaʼlen pensar, miʼ mejlel lac suben: «Maxto jali tsaʼ c pejca ti ili revista jumpʼejl temaj tsaʼ bʌ c wen mulaj. ¿Mejl ba c pʌsbeñet?». Mi jiñi quixtañu mucʼʌch i mulan, miʼ mejlel a wʌqʼuen jumpʼejl revista o miʼ mejlel a ñusʌben tiʼ celular o tiʼ tableta. Miʼ mejlel a mel iliyi, cheʼ bʌ cojaxto woli a pejcan jiñi quixtañu. Anquese mach laj comic lac toʼol puc ñumen jiñi revista tac, mucʼʌch i mejlel i coltañonla chaʼan mi lac taj jiñi yomoʼ bʌ i jacʼbeñob i tʼan Jehová (Hch 13:48).

2018

2019

2020