Chaʼlen wersa chaʼan wen miʼ yajñel a ñujpuñel

Jehová chʼujul miʼ qʼuel cheʼ bʌ jiñi xñujpuñelob tsiʼ waʼchocoyob i tʼan chaʼan muʼ bʌ caj i melob. I Jehová miʼ yʌl chaʼan yom chʌn temel miʼ yajñelob (Mt. 19:5, 6). Tiʼ tejclum Jehová an cabʌl xñujpuñelob tijicña bʌ añob. Pero wersa mucʼʌch i ñusañob wocol jaʼel come laj xmulilonla. I cheʼ bʌ miʼ laʼ ñusan wocol, mach yomic mi laʼ ñaʼtan chaʼan jiñi cʌy bʌ o jiñi divorcio mi caj i tojʼesan laʼ wocol. Jin chaʼan, ¿chuqui yom miʼ mel jiñi xñoptʼañob chaʼan chʌn wen miʼ yajñel jiñi i ñujpuñelob?

Laʼ laj qʼuel joʼpʼejl ticʼojel.

1. Cʌntan jiñi a pusicʼal. Mach a jacʼ cheʼ bʌ an majqui yambʌ miʼ pʌsbeñet chaʼan miʼ mulañet yicʼot mach a qʼuel o a ñʌchʼtan i chaʼan tac bʌ tsʼiʼlel come ili miʼ mejlel i yʌcʼ ti wocol a ñujpuñel (Mt. 5:28; 2 P. 2:14).

2. Chʌn qʼuele Jehová bajcheʼ juntiquil wem bʌ a wamigo yicʼot chaʼlen wersa chaʼan Dios miʼ qʼuel ti wen jiñi a ñujpuñel (Sal. 97:10).

3. Chʌn xojo jiñi tsijiʼ bʌ a melbal yicʼot aqʼuen i majtan jiñi a piʼʌl chaʼan utsʼat bajcheʼ mi laʼ wajñel (Col. 3:8-10, 12-14).

4. Wen bajcheʼ yom mi laʼ pejcan laʼ bʌ yicʼot yom mi laʼ qʼuel laʼ bʌ ti ñuc (Col. 4:6).

5. Pʌsben laʼ bʌ cʼuxbiya cheʼ bʌ mi laʼ piʼlen laʼ bʌ (1 Co. 7:3, 4; 10:24).

Cheʼ bʌ jiñi xñoptʼañob miʼ qʼuelob ti ñuc jiñi i ñujpuñel, woliyʌch i qʼuelob ti ñuc jaʼel jiñi tsaʼ bʌ i waʼchoco, Jehová.

CHEʼ BɅ TSAʼIX LAʼ QʼUELE JIÑI VIDEO MACH YOMIC MI LAC LUJBʼAN CHEʼ BɅ WOLIYONLA TI AJÑEL: LAʼ LAC CHAʼLEN AJÑEL BAJCHEʼ MI LAC SUBENTEL, JACʼɅ ILI CʼAJTIYA TAC:

• 

  Anquese wen utsʼatax bajcheʼ miʼ tejchel jumpʼejl ñujpuñel, ¿chuqui ti wocol miʼ mejlel i tajob?

• 

  ¿Bajcheʼ miʼ mejlel i coltañob jiñi principio tac jiñi muʼ bʌ i qʼuelob chaʼan tiʼ ñujpuñelob maʼañic cʼuxbiya?

• 

  ¿Chuqui bʌ ticʼojel miʼ yʌcʼ Jehová chaʼan jiñi ñujpuñemoʼ bʌ?

• ¿Chuqui yom miʼ mel tiʼ chaʼticlelob chaʼan tijicña miʼ yajñelob tiʼ ñujpuñel?