Chaʼlen cʌntesa yicʼot a tijicñʌyel

Jiñi lac tijicñʌyel miʼ mejlel i toy jiñi muʼ bʌ lac subeñob jiñi wen tʼan chaʼan miʼ ñumen ñʌchʼtañoñobla. Cheʼ jaʼel, cheʼ tijicñayonla, mi lac pʌs chaʼan ñuc i cʼʌjñibal mi laj qʼuel jiñi muʼ bʌ lac sub. Ti lac pejtelel miʼ mejlel lac pʌs lac tijicñʌyel mach yʌlʌyic baqui chʼoyolonla yicʼot bajcheʼ la quilal (Ro. 12:11). ¿Bajcheʼ miʼ mejlel lac mel?

Ñaxam bʌ, ñaʼtan bajcheʼ cʼamel i cʼʌjñibal jiñi muʼ bʌ a sub. Tsaʼ ajqʼui ti a wenta a sub «jini wen tʼan muʼ bʌ i yʌqʼueñonla i ñʌchʼtilel lac pusicʼal» (Ro. 10:15). I chaʼpʼejlel, wen ñaʼtan bajcheʼ miʼ coltañob jiñi muʼ bʌ i ñʌchʼtañob jiñi wen tʼan. Jiñi lac piʼʌlob yom miʼ ñʌchʼtañob jiñi la com bʌ lac subeñob (Ro. 10:13, 14). Ti wiʼil, chaʼlen tʼan yicʼot pejtelel a tijicñʌyel, pʌsʌ ti ñiʼ a wut chaʼan tijicñayet tiʼ sujm yicʼot ñijcan a cʼʌb cheʼ bajcheʼ ñʌmʌl a mel.

CHEʼ BɅ TSAʼIX LAʼ QʼUELE JIÑI VIDEO MI LA CUBIN TIJICÑɅYEL CHEʼ MI LAC SUTQʼUIN TI XCɅNTʼAN YAMBɅLOB. LAʼ LAC ÑUMEN WEÑʼESAN LAJ CɅNTESA: LAʼ LAC CHAʼLEN CɅNTESA YICʼOT LAC TIJICÑɅYEL, JACʼɅ ILI CʼAJTIYA TAC:

• 

  ¿Chucoch Rita mach tijicñayix cheʼ bʌ miʼ yʌqʼuen estudio Coral?

• 

  ¿Chuqui tsiʼ colta Rita chaʼan miʼ chaʼ taj i tijicñʌyel?

• 

  ¿Chucoch yom mi laj qʼuelben wem bʌ i melbal jiñi muʼ bʌ i ñʌchʼtañoñobla?

• ¿Bajcheʼ miʼ mejlel i coltan jiñi lac estudiantejob yicʼot jiñi yambʌ lac piʼʌlob jiñi lac tijicñʌyel?