Jiñi melbil tac bʌ i chaʼan Jehová miʼ coltañonla lac ñop chaʼan añʌch i ñaʼtʌbal

¿I sujm ba chaʼan Jehová yujilʌch tiʼ pejtelel ora chuqui jiñi ñumen wem bʌ ti lac tojlel? ¡I sujmʌch! Mi mucʼʌch lac ñop chaʼan cheʼʌchi, mi caj laj cʼʌn lac ñaʼtʌbal yicʼot mi caj la cʌcʼ chaʼan Jehová miʼ tojʼesañonla majlel (Pr. 16:3, 9). Pero tajol wocolʌch chaʼan mi lac ñop ti jiñi ticʼojel tac cheʼ yʌñʌlʌch chuqui mi lac ñaʼtan. Miʼ mejlel lac pʼʌtʼesan jiñi lac ñopoñel tiʼ ñaʼtʌbal Jehová come miʼ tsictiyel ti melbil tac bʌ i chaʼan (Pr. 30:24, 25; Ro 1:20).

CHEʼ BɅ TSAʼIX LAʼ QʼUELE JIÑI VIDEO ¿AM BA MAJQUI TSIʼ MELE? ¿CHUCOCH MAʼAN MIʼ MɅCTAÑOB I BɅ TIʼ BIJLEL JIÑI XIÑICHʼ?, JACʼɅ ILI CʼAJTIYA TAC:

• ¿Chuqui miʼ mel jiñi xiñichʼ tac ti jujumpʼejl qʼuin?

• ¿Chuqui miʼ mel tac jiñi xiñichʼ chaʼan maʼan miʼ mʌctañob i bʌ tiʼ bijlel?

• ¿Chuqui miʼ mejlel laj cʌn ti jiñi xiñichʼ tac cheʼ maʼañic miʼ mʌctañob i bʌ tiʼ bijlel?

CHEʼ BɅ TSAʼIX LAʼ QʼUELE JIÑI VIDEO ¿AM BA MAJQUI TSIʼ MELE? ¿CHUCOCH MAʼAN MIʼ YAJLEL JIÑI XUX CHEʼ WEJLEL MUCʼ?, JACʼɅ ILI CʼAJTIYA TAC:

• ¿Chucoch wocol ti ñijcʌntel juncojt chut bʌ avión?

• ¿Chuqui miʼ mel jiñi xux chaʼan maʼañic miʼ yajlel tiʼ caj jiñi icʼ?

• ¿Bajcheʼ miʼ mejlel lac locʼsʌben i wenlel chaʼan chuqui muʼ bʌ i mel jiñi xux?

Cheʼ maʼ qʼuel jiñi melbil tac bʌ yaʼ baqui chumulet, ¿chuqui an a qʼuele chaʼan i ñaʼtʌbal Jehová?