Experiencia

Cheʼ majqui jach mi lac pʌsben pʼuntaya añʌch i wenlel

Jumpʼejl bʌ qʼuin juntiquil hermana ti Nueva Zelanda tsiʼ qʼuele jiñi video Preocupémonos unos por otros, muʼ bʌ i yʌl chaʼan Jehová miʼ pʼuntañonla i miʼ sʌclan bajcheʼ miʼ pʌsbeñonla (Is. 63:7-9). Cheʼ jiñi tsiʼ ñaʼta chaʼan cheʼʌch mi caj i mel jaʼel i tiʼ sʌcla majqui miʼ coltan. Ti jiñi jach bʌ qʼuin tsaʼ loqʼui ti mʌñoñel, i tsiʼ qʼuele juntiquil xʼixic an jach bʌ ti calle cheʼ jiñi tiʼ sube chaʼan miʼ mʌnben chuqui miʼ cʼux. Jiñi xʼixic tsaʼʌch i jacʼʌ. Cheʼ bʌ jiñi hermana tsiʼ chʼʌmbe cʼotel jiñi i waj, tiʼ sube jaʼel jiñi wen tʼan i tsiʼ cʼʌñʌ jiñi tratado ¿Muʼ ba caj laj cʌy lac ñusan wocol baʼ ora?

Jiñi xʼixic tsaʼ caji ti uqʼuel. Tsiʼ yʌlʌ chaʼan cheʼ bʌ chutto tsiʼ cʌñʌ i sujmlel, pero chaʼan tsiʼ ñajtʼesa i bʌ ti congregación. I tsiʼ yʌlʌ chaʼan maxto wen jalic tsaʼ caji i cʼajtiben Jehová chaʼan miʼ coltan chaʼ sujtel ti congregación. Cheʼ jiñi, jiñi hermana tsiʼ yʌqʼue jumpʼejl Biblia i tsiʼ yʌlʌyob chaʼan miʼ chaʼleñob estudio.a

Cheʼ bajcheʼ Jehová, miʼ mejlel lac pʌsben lac pʼuntaya yambʌ lac piʼʌlob, bajcheʼ jiñi lac familia yicʼot jiñi hermanojob ti congregación. I miʼ mejlel lac pʌs jaʼel cheʼ mi lac sʌclan bajcheʼ miʼ mejlel lac suben wen tʼan yambʌ lac piʼʌlob.