«Lʌcʼʌlix i yumʌntel jiñi am bʌ ti panchan»

3:4

• 

  Tajol chaʼan bajcheʼ yilal i pislel jiñi Juan tsaʼ cʼoti i ñaʼtañob jiñi quixtañujob chaʼan mach cabʌlic i chubʌʼan i miʼ ñumen cʼʌn i cuxtʌlel chaʼan miʼ melben i yeʼtel Dios.

• Jumpʼejlʌch ñuc bʌ eʼtel cheʼ tsiʼ wʌn chajpa muʼ bʌ caj i mel Jesús, i mach lajalic bajcheʼ tsaʼ bʌ i cʌyʌ.

Cheʼ mach cabʌlic lac chubʌʼan miʼ mejlel lac ñumen melben i yeʼtel Dios yicʼot mi lac wen taj tijicñʌyel. ¿Chuqui yom mi lac mel chaʼan mach cabʌlic lac chubʌʼan?

• Yom mi laj qʼuel chuqui ñumen i cʼʌjñibal lac chaʼan.

• Mach yom mi lac toʼo jisan lac taqʼuin.

• Yom mi lac wen ñaʼtan jaypʼejl taqʼuin mi caj laj cʼʌn.

• Yom mi lac choc jiñi mach bʌ i cʼʌjñibalic lac chaʼan.

• Yom mi lac toj lac bet.

• Mach yom mi laj cʌlʌx chaʼlen eʼtel.

¿Chuqui miʼ mejlel c ñumen taj tiʼ melol i yeʼtel Jehová mi maʼañic mic sʌclan cabʌl chubʌʼañʌl?