Jumpʼejl ñajal muʼ bʌ i pʼʌtʼesan lac ñopoñel

9:1-7

Ñaʼtancu bajcheʼ yubil tsiʼ yubi i bʌ Jesús cheʼ bʌ tsaʼ yʌjñi i tsiʼ yubi i yʌl i Tat chaʼan tsaʼix i chʼʌmʌ ti ñuc. Tiʼ sujm, jiñʌch tsaʼ bʌ i colta chaʼan miʼ mejlel i lʌtʼ jiñi wocol tac tsaʼ bʌ i ñusa. Jiñi tsaʼ bʌ pʌsle tsiʼ wen colta jeʼel Pedro, Santiago yicʼot Juan. Tsiʼ yʌqʼueyob i ñumen ñop chaʼan Jesús jiñʌch jiñi Mesías yicʼot chaʼan weñʌch cheʼ xcʌntʼañob i chaʼan. Cheʼ ñumeñix cheʼ bʌ treinta dos jab, Pedro wen cʼajalto i chaʼan bajcheʼqui jiñi tsaʼ bʌ ujti tsiʼ wen pʼʌtʼesʌbe i ñopoñel «tiʼ tʼan xʼaltʼañob» (2 P. 1:16-19).

Joñonla maʼañic tsaʼ laj qʼuele jiñi ñajal, pero woli laj qʼuel bajcheʼ miʼ tsʼʌctiyel. Ti ili ora, Jesús juntiquilix pʼʌtʌl bʌ Rey. Tsʼitaʼ jachix yom chaʼan miʼ yoque mʌjlel i chaʼan yicʼot miʼ tsijibtesan ili pañimil (Ap. 6:2).

¿Bajcheʼ an i pʼʌtʼesa a ñopoñel i tsʼʌctesʌntel jiñi profecía tac?