4. Miʼ mejlel a mʌlben jiñi mach bʌ weñic

VIDEO: Laʼ lac pejcan jiñi Biblia chaʼan mi lac mʌlben jiñi mach bʌ weñic (3:02)

• ¿Chuqui tsiʼ mele jiñi hermano cheʼ bʌ tsiʼ qʼuele chaʼan jiñi i pensar yicʼot i melbal miʼ mejlel i yʌqʼuen i mel mach bʌ weñic tiʼ tojlel i yijñam?

Cheʼto jaʼel jiñi xucʼuloʼ bʌ xñoptʼañob yom miʼ chaʼleñob wersa chaʼan chʌn sʌc miʼ yajñelob i pensar. ¿Chuqui miʼ mejlel a mel chaʼan maʼañic maʼ chʌcʌ ñaʼtan jiñi mach bʌ weñic? Pejcanla Filipenses 4:8 i tem alʌla iliyi:

• ¿Chuqui tac yom bʌ mi la cʌcʼ ti lac pensar?

• ¿Muʼ ba i mejlel i coltañonla maʼ wʌl cheʼ mi lac pejcan jiñi Biblia yicʼot cheʼ mi lac wen melben i yeʼtel Jehová chaʼan maʼañic mi lac mel jiñi mach bʌ weñic? ¿Chucoch?

3. ¿Chuqui mi caj i coltañonla chaʼan jiñi muʼ bʌ la cʌl miʼ coltan yambʌlob?

Lʌcʼʌ tiʼ pejtelel ora, jiñi muʼ bʌ la cʌl miʼ pʌs chuqui an ti lac pensar yicʼot bajcheʼ yubil mi la cubin lac bʌ (Lucas 6:45). Jin chaʼan, yom mi lac ñʌmtesan lac bʌ chaʼan mi la cʌl chuqui tac wem bʌ, yom i yʌl, pejtelel chuqui toj bʌ, pejtelel chuqui sʌc bʌ, pejtelel chuqui yom bʌ miʼ yʌqʼuentel i ñuclel yicʼot pejtelel muʼ bʌ i ñijcañonla lac pʌs cʼuxbiya (Filipenses 4:8). Chaʼan miʼ mejlel lac mel, yom mi lac sʌclan wem bʌ lac ñusaqʼuin yicʼot wem bʌ la camigojob (Proverbios 13:20). Cheʼ jaʼel, yom mi lac ñaxan pensarin chuqui mi caj la cʌl. Ñopo a pensarin bajcheʼ yubil mi caj i yubiñob i bʌ jiñi yambʌlob chaʼan jiñi muʼ bʌ caj a wʌl. Jiñi Biblia miʼ yʌl: «An winicob xʼixicob mach bʌ utsic i tʼan. Miʼ jecʼonla bajcheʼ espada. I tʼan jini weñoʼ bʌ i pusicʼal i wentajʌch tsʼac muʼ bʌ i lajmesañonla» (Proverbios 12:18).