• Programa chaʼan jiñi semana 27 i chaʼan julio
    La Queʼtel ti Dios 2015 | julio

    • Programa chaʼan jiñi semana 27 i chaʼan julio

      SEMANA 27 I CHAʼAN JULIO

      Cʼay 18 yicʼot oración

      Cʌntesʌntel chaʼan i Tʼan Dios ti Congregación

      cl cʌntesʌntel 28 párr. 1-9 (30 min.)

      Escuela chaʼan bʌ i Yeʼtel Dios

      I pejcʌntel jiñi Biblia: 1 Reyes 15-17 (8 min.)

      Núm. 1: 1 Reyes 15:16-24 (3 min. o mach taja)

      Núm. 2: ¿Bajcheʼ maʼ mejlel a ñumen ñop i chaʼan bʌ Jehová? (fg i yopol 31 párr. 1, 2) (5 min.)

      Núm. 3: Anquese la cujil chuqui yom Dios, ¿chuqui yom mi lac mel ti jujuntiquil? (gf cʌntesʌntel 17 párr. 2, 3) (5 min.)

      Tempa bʌ baʼ mi laj cʌntesʌntel chaʼan subtʼan

      I temajlel ili uw: Conla i laʼ lac sutqʼuin ti xcʌntʼañob (Mateo 28:19, 20).

      Cʼay 65

      10 min. ¿Tsaʼix ba laʼ ñumen weñʼesa laʼ subtʼan? I tsajintel yicʼot yaʼ bʌ tempʌbilob. Tsʼitaʼ alʌ jiñi temaj «Ñumen weñʼesan a subtʼan», yaʼ ti párrafo 1 am bʌ yaʼ ti La Queʼtel tiʼ chaʼan bʌ Dios i chaʼan febrero, 2014, yaʼi miʼ yʌl chucoch miʼ loqʼuel ili temaj ti jujumpʼejl uw. Pam qʼuelela chaʼpʼejl uxpʼejl temaj loqʼuemix bʌ ti yambʌ uw. Cʼajtibeñob bajcheʼ an i coltayob. Suben jiñi yaʼ bʌ tempʌbilob chaʼan miʼ wen qʼuelob jiñi temaj muʼ bʌ i tsajintel ti jujumpʼejl uw yicʼot chaʼan miʼ melob muʼ bʌ i yʌl yaʼ ti subtítulo «Ñopo a mel iliyi ti ili uw».

      10 min. Cʼʌñʌ jiñi folleto ¿Chuqui jiñi am bʌ tiʼ Tʼan Dios? chaʼan maʼ coltan jiñi muʼ bʌ a pʌsben estudio. I tsajintel yicʼot yaʼ bʌ tempʌbilob. Tsictesan bajcheʼ miʼ mejlel laj cʼʌn ili eʼtijibʌl tac chaʼan mi laj coltan jiñi muʼ bʌ lac pʌsbeñob estudio chaʼan miʼ cʼʌñob ti wen jiñi Biblia: 1) Yaʼ ti parte «¿Bajcheʼ miʼ sʌclʌntel jiñi versículo tac yaʼ ti Biblia?», 2) jiñi cʼajtiya 19: «¿Chuqui miʼ yʌl jiñi libro tac am bʌ ti Biblia?» yicʼot 3) jiñi cʼajtiya 20: «¿Bajcheʼ maʼ ñumen taj a wenlel cheʼ maʼ pejcan jiñi Biblia?». Laʼ ñusʌntic jumpʼejl demostración baqui juntiquil xsubtʼan miʼ tsajin ili eʼtijibʌl tac yicʼot jiñi muʼ bʌ i cʌntesan tiʼ chaʼan bʌ Biblia cheʼ bʌ tsaʼix ujtiyob ti estudio.

      10 min. «I yajñib laʼ queʼtijib i cʼʌjñibal bʌ chaʼan cʌntesa.» Cʼajtiya tac yicʼot i jacʼbal.

      Cʼay 125 yicʼot oración

  • I yajñib laʼ queʼtijib i cʼʌjñibal bʌ chaʼan cʌntesa
    La Queʼtel ti Dios 2015 | julio

    • I yajñib laʼ queʼtijib i cʼʌjñibal bʌ chaʼan cʌntesa

      1. ¿Bajcheʼ lajal jiñi xñoptʼañob bajcheʼ juntiquil albañil?

      1 Jiñi albañil an cabʌl i yeʼtijib. An tiʼ pejtelel bʌ ora miʼ cʼʌn i an mach bʌ cheʼiqui. Jiñi añobix i bʌ i ñaʼtʌbal tiʼ yeʼtelob tiʼ pejtelel ora miʼ chʼʌmob majlel i yajñib eʼtijibʌl tac come jiñʌch muʼ bʌ i ñumen cʼʌñob. Jiñi Tsʼijbujel miʼ subeñonla chaʼan yom mi lac chaʼlen wersa ti subtʼan. Jiñi Testigojob cheʼ yom miʼ melob bajcheʼ «xʼeʼtel mach bʌ añic chuqui miʼ quisñin» (2 Ti. 2:15). ¿Baqui bʌ jiñi la queʼtijib ñumen ñuc bʌ i cʼʌjñibal? Jiñʌch jiñi Biblia, jiñi muʼ bʌ laj cʼʌn chaʼan mi lac sujtesan ti xcʌntʼan quixtañujob (Mt. 28:19, 20). Jin chaʼan, yom mi lac chaʼlen wersa chaʼan mi laj «cʼʌn ti utsʼat jiñi isujm bʌ tʼan». Pero ti lac pejtelel yom mi laj cʌn bajcheʼ miʼ mejlel laj cʼʌn ti wen jiñi yan tac bʌ eʼtijibʌl muʼ bʌ lac ñumen cʼʌn chaʼan mi laj cʌntesan tiʼ sujmlel yañoʼ bʌ (Pr. 22:29).

      2. ¿Baqui bʌ eʼtijib tac mi lac ñumen cʼʌn ti cʌntesa?

      2 Eʼtijib tac muʼ bʌ lac ñumen cʼʌn ti cʌntesa. Junchajp la queʼtijib jiñʌch jiñi Biblia, ¿baqui bʌ yambʌ? Jiñi libro ¿Qué enseña realmente la Biblia? jiñʌch muʼ bʌ lac ñumen cʼʌn chaʼan mi lac pʌs estudio tac. Cheʼ miʼ yujtel lac tsajin ili libro yicʼot jiñi muʼ bʌ lac pʌsben estudio, mi laj cʼʌn jiñi libro «Chʌn ajñenla tiʼ cʼuxbiya Dios» chaʼan miʼ cʌn i chumtan jiñi principio tac am bʌ ti Biblia. Jin chaʼan, yom mi laj cʌn yicʼot yom la cujil i cʼʌñol ti wen ili chaʼpʼejl libro. Tiʼ yajñib la queʼtijib yom yaʼan folleto tac jaʼel. ¡Jini wen tʼan tilem bʌ ti Dios! i cʼʌjñibal chaʼan mi lac tech estudio tac. Mi tsaʼ lac taja ti lac territorio wocol bʌ miʼ yubiñob chaʼan miʼ pejcañob jun, o mi maʼañic o tsʼitaʼ jach an jun tac loqʼuem bʌ ti Biblia ti jiñi tʼan yujiloʼ bʌ, miʼ mejlel laj cʼʌn jiñi folleto Ñichʼtan Dios o Ñichʼtan Dios i chumlen ti pejtelel ora. Yambʌ jiñʌch ¿Majquiyob woli bʌ i melob chuqui yom Jioba ti ili ora?, ili miʼ coltan jiñi muʼ bʌ lac pʌsbeñob estudio chaʼan miʼ ñumen cʌñob jiñi organización. Jiñi video tac i cʼʌjñibal jaʼel chaʼan mi lac sujtesan ti xcʌntʼañob quixtañujob yicʼot yom mi laj cʌn bajcheʼ miʼ mejlel laj cʼʌn ti wen. Cheʼ bajcheʼ ¿Chucoch yom mi lac pejcan jiñi Biblia? yicʼot ¿Chuqui miʼ mejlel yaʼ ti i Yotlel Tempa bʌ?

      3. Ti La Queʼtel tiʼ chaʼan bʌ Dios muʼ to bʌ caj i loqʼuel, ¿chuqui mi caj laj cʌn?

      3 Ti La Queʼtel tiʼ chaʼan bʌ Dios muʼ to bʌ caj i loqʼuel mi caj laj cʌn bajcheʼ miʼ mejlel laj cʼʌn ti wen jiñi jun tac am bʌ tiʼ yajñib la queʼtijib. Mi mucʼʌch lac chaʼlen wersa chaʼan mi laj cʼʌn ti wen, woli lac jacʼ ili ticʼojel am bʌ ti Biblia: «Cʌntan a bʌ. Chʌn chaʼlen cʌntesa ti toj. Chʌn ajñen tiʼ sujmlel, come cheʼ jiñi mi caj a coltan a bʌ yicʼot jiñi muʼ bʌ i yubiñob a tʼan» (1 Ti. 4:16).