CɅNTESɅNTEL 1

Wem bʌ i tejchib tʼan

Hechos 17:22

YOM BɅ MIʼ CɅJÑEL: Yom miʼ mulañob bajcheʼ maʼ tech a tʼan, yom miʼ yʌcʼ ti cʌjñel chuqui mi caj a taj ti tʼan yicʼot yom miʼ pʌs chucoch jiñi yaʼ bʌ tempʌbilob yom miʼ mulañob jiñi temaj.

¿BAJCHEʼ MI LAC MEL?

Yom miʼ mulañob i ñʌchʼtan. Yajcan jumpʼejl cʼajtiya, jumpʼejl experiencia o jumpʼejl noticia muʼ bʌ i mulañob i ñʌchʼtan.

Wʌn ñaʼtan chuqui miʼ mulan yicʼot miʼ cʼojoʼtan jiñi muʼ bʌ caj i ñʌchʼtañetob i jiñʌch yom maʼ cʼʌn a tech a tʼan.
Acʼʌ ti cʌjñel jiñi temaj. Yom maʼ wen qʼuel chaʼan cheʼ maʼ tech a tʼan tsiquil maʼ pʌs baqui bʌ jiñi a temaj yicʼot chucoch mi caj a wʌl jiñi.
Pʌsʌ chucoch ñuc i cʼʌjñibal jiñi temaj. Qʼuextan a tʼan ti chuqui i cʼʌjñibal i chaʼan jiñi woli bʌ i ñʌchʼtañetob. Yom miʼ wen ñaʼtañob bajcheʼ miʼ mejlel i coltañob tiʼ cuxtʌlel jiñi temaj.

Cheʼ bʌ woli a chajpan jumpʼejl discurso, cʼajtiben a bʌ: «¿Chuqui woliʼ ñusañob jiñi hermanojob tij congregación?». Cheʼ jiñi, cʼʌñʌ a tech a tʼan jiñi i cʼʌjñibal bʌ i chaʼañob.