Cʌntesa tac muʼ bʌ lac mulan lac pʌs

Jesús tsiʼ yʌlʌ chaʼan jiñi utsoʼ bʌ i pusicʼal mi caj i mejlel i cʌñob baqui bʌ jiñi i sujmlel (Juan 10:4, 27). Jin chaʼan, la com lac pʌsben lac piʼʌlob jiñi cʌntesa tac mach bʌ wocolic ti chʼʌmbentel i sujm. Miʼ mejlel lac tech lac tʼan bajcheʼ ili «¿A wujil ba chaʼan…?» o «¿Am baʼ wubi chaʼan…?» i cheʼ jiñi mi lac pʌsben jiñi cʌntesa. Ti wiʼil, miʼ mejlel laj cʼʌn jumpʼejl texto muʼ bʌ i taj ti tʼan jiñi. Cheʼ mi lac suben lac piʼʌlob jiñi cʌntesa tac am bʌ ti Biblia, lajal bajcheʼ woli lac pʌcʼ jiñi i sujmlel tiʼ pusicʼal. ¡I Dios miʼ mejlel i yʌcʼ ti colel! (1 Cor. 3:6, 7).

• Jiñi talto bʌ qʼuin

• Jiñi familia

• Dios

• Jiñi oración

• Jesús

• Jiñi i Yumʌntel Dios

• Jiñi wocol

• Jiñi chʌmel

• Jiñi ñopbalʌl

JIÑI TALTO BɅ QʼUIN

1. 1. Jiñi woli bʌ i yujtel ili ora yicʼot jiñi i melbal lac piʼʌlob miʼ pʌs chaʼan tsʼitaʼ jax yom chaʼan miʼ tojʼan ili pañimil (Mat. 24:3, 7, 8; Luc. 21:10, 11; 2 Tim. 3:1-5).

2. 2. Jiñi Lum maʼañic mi caj i jisʌntel (Sal. 104:5; Ec. 1:4).

3. 3. Maʼañix miʼ cajel contaminación i mi caj i sujtel ti jumpʼejl paraíso jiñi Lum (Is. 35:1, 2; Apoc. 11:18).

4. 4. Ti talto bʌ qʼuin maʼañix mi caj laj cʼamʼan (Is. 33:24; 35:5, 6).

5. 5. Maʼ mejlel ti chumtʌl tiʼ pejtelel ora ila ti Lum (Sal. 37:29; Mat. 5:5).

JIÑI FAMILIA

1. 6. Jiñi wiñic yom miʼ cʼuxbin i yijñam cheʼ bajcheʼ miʼ bajñel cʼuxbin i bʌ (Efes. 5:33; Col. 3:19).

2. 7. Jiñi ijñamʌl yom miʼ qʼuel ti ñuc i ñoxiʼal (Efes. 5:33; Col. 3:18).

3. 8. Jiñi ñujpuñemoʼ bʌ yom miʼ pʌsbeñob i bʌ i xucʼtilel (Mal. 2:16; Mat. 19:4-6, 9; Heb. 13:4).

4. 9. Jiñi alobob muʼ bʌ i jacʼbeñob i tʼan i tat i ñaʼ yicʼot miʼ qʼuelob ti ñuc mi caj i tajob i wenlel (Pr. 1:8, 9; Efes. 6:1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

DIOS

1. 10. Dios an i cʼabaʼ (Sal. 83:18, TNM; Jer. 10:10, TNM).

2. 11. Dios an chuqui ñuc bʌ i cʼʌjñibal yom i pʌsbeñonla (2 Tim. 3:16, 17; 2 Ped. 1:20, 21).

3. 12. Dios toj yicʼot junlajal miʼ qʼuelonla (Dt. 10:17; Hech. 10:34, 35).

4. 13. Dios yom i coltañonla (Sal. 46:1; 145:18, 19).

JIÑI ORACIÓN

1. 14. Dios yom chaʼan mi lac melben oración (Sal. 62:8; 65:2; 1 Ped. 5:7).

2. 15. Ti Biblia mi laj cʌn bajcheʼ yom mi lac mel oración (Mat. 6:7-13; Luc. 11:1-4).

3. 16. Ti bele ora yom mi lac mel oración (Mat. 7:7, 8; 1 Tes. 5:17).

JESÚS

1. 17. Jesús juntiquilʌch wem bʌ maestro tsajñi bʌ ila ti Lum i jiñi ticʼojel tac tsaʼ bʌ i yʌcʼʌ mucʼʌch i bej coltañonla (Mat. 6:14, 15, 34; 7:12).

2. 18. Jesús tsiʼ wʌn alʌ cʌytʌl woli tac bʌ laj qʼuel ili ora (Mat. 24:3, 7, 8, 14; Luc. 21:10, 11).

3. 19. Jesús i yalobilʌch Dios (Mat. 16:16; Juan 3:16; 1 Juan 4:15).

4. 20. Jesús mach Diosic (Juan 14:28; 1 Cor. 11:3).

Based on NASA/Visible Earth imagery

JIÑI I YUMɅNTEL DIOS

1. 21. Jiñi i Yumʌntel Dios jumpʼejlʌch yumʌntel am bʌ ti panchan (Dn. 2:44; 7:13, 14; Mat. 6:9, 10; Apoc. 11:15).

2. 22. Jiñi i Yumʌntel Dios mi caj i yochel tiʼ qʼuexol pejtelel jiñi yumʌlob (Sal. 2:7-9; Dn. 2:44).

3. 23. Jiñi i Yumʌntel Dios jin jach muʼ bʌ i mejlel i jisan jiñi wocol tac (Sal. 37:10, 11; 46:9; Is. 65:21-23).

JIÑI WOCOL

1. 24. Mach i mulic Dios cheʼ mi lac ñusan wocol (Dt. 32:4; Sant. 1:13).

2. 25. Satanás jiñʌch woli bʌ ti yumʌntel ila ti Lum (Luc. 4:5, 6; 1 Juan 5:19).

3. 26. Dios miʼ qʼuel jiñi a wocol i yom i coltañet (Sal. 34:17-19; Is. 41:10, 13).

4. 27. Tsʼitaʼ jax yom chaʼan Dios miʼ jisan jiñi wocol (Is. 65:17; Apoc. 21:3, 4).

JIÑI CHɅMEL

1. 28. Jiñi chʌmeñoʼ bʌ maʼañic chuqui yujilob yicʼot maʼañic woliʼ ñusañob wocol (Ec. 9:5; Juan 11:11-14).

2. 29. Jiñi chʌmeñoʼ bʌ maʼañic miʼ mejlel i coltañonla yicʼot maʼañic miʼ ticʼlañonla (Sal. 146:4; Ec. 9:6, 10).

3. 30. Mi caj i chaʼ cuxtʌyelob jiñi chʌmeñoʼ bʌ lac chaʼan (Job 14:13-15; Juan 5:28, 29; Hech. 24:15).

4. 31. «Maʼañix miʼ cajel chʌmel» (Apoc. 21:3, 4; Is. 25:8).

JIÑI ÑOPBALɅL

1. 32. Mach tiʼ pejtelelic jiñi ñopbalʌl wen miʼ qʼuel Dios (Jer. 7:11; Mat. 7:13, 14, 21-23).

2. 33. Dios maʼañic miʼ mulan cheʼ maʼañic mi lac chumtan muʼ bʌ lac pʌs (Is. 29:13; Mi. 3:11; Mar. 7:6-8).

3. 34. Jiñi cʼuxbiya miʼ yʌcʼ ti cʌñol jiñi i sujm bʌ ñopbalʌl (Mi. 4:3; Juan 13:34, 35).