I ñuqʼuesʌntel lac pusicʼal
Jiñi Biblia miʼ coltañonla o miʼ ñuqʼuesan lac pusicʼal cheʼ bʌ cʼuñonla
Bʌqʼuen
Qʼuele «Bʌqʼuen».
Contrajintel
Qʼuele «Contrajintel».
Cheʼ bʌ mach mejlic lac tojʼesan jumpʼejl wocol o mach mejlic lac mel jumpʼejl eʼtel mi la cubin
Ejemplo tac muʼ bʌ i coltañonla:
Éx. 3:11; 4:10. Jiñi xʼaltʼan Moisés mach mejlic majlel i pejcan faraón tsiʼ yubi chaʼan miʼ locʼsan ti Egipto jiñi i tejclum Dios.
Jer. 1:4-6. Jeremías tsiʼ ñaʼta chaʼan maxto añic i jabilel yicʼot chaʼan maxto añic i ñaʼtʌbal chaʼan miʼ sujtel ti xʼaltʼan i chaʼan Jehová yicʼot chaʼan miʼ pejcan jumpʼejl tejclum mach bʌ yomic i ñʌchʼtʌben i tʼan Jehová.
Texto tac muʼ bʌ i coltañonla:
Sal. 29:11; Is. 40:29; 2Co 3:4, 5; 4:7
Ejemplo tac muʼ bʌ i pʼʌtʼesañonla:
Éx. 3:12; 4:11, 12. Jehová mach junsujtel jach tiʼ sube Moisés chaʼan mi caj i coltan i tsʼʌctesan jiñi eʼtel tsaʼ bʌ i yʌqʼue.
Jer. 1:7-10. Jehová tiʼ sube jiñi xʼaltʼan Jeremías chaʼan mach yomic miʼ chaʼlen bʌqʼuen come mi caj i coltan i lʌtʼ jiñi wocol tac muʼ bʌ caj i taj.
Cheʼ bʌ maʼañic laj cʼʌjñibal mi la cubin lac bʌ
Cheʼ bʌ maʼañix chuqui miʼ wen mejlel lac mel tiʼ caj jumpʼejl cʼamʌjel o lac ñoxlel
Sal. 71:9, 18; Ec. 12:1-7
Ejemplo tac muʼ bʌ i coltañonla:
2 R. 20:1-3. Jiñi rey Ezequías tsiʼ wen chaʼle uqʼuel cheʼ bʌ tsiʼ yubi chaʼan an jumpʼejl i cʼamʌjel maʼañix bʌ mi caj i lajmel.
Flp 2:25-30. Epafrodito tsiʼ wen ubi i chʼijyemlel come jiñi hermanojob tsiʼ yubiyob chaʼan cʼam i tsiʼ bʌcʼña miʼ ñaʼtañob chaʼan maʼañic tsaʼ mejli i tsʼʌctesan jiñi eʼtel tsaʼ bʌ aqʼuenti.
Texto tac muʼ bʌ i coltañonla:
Sal. 92:12-14; Is. 40:29-31; 46:4; 2Co 8:12
Ejemplo tac muʼ bʌ i pʼʌtʼesañonla:
2 S. 17:27-29; 19:31-38. Jiñi rey David tsiʼ wen qʼuele ti ñuc Barzilái i tiʼ sube chaʼan miʼ majlel ti Jerusalén, pero Barzilái maʼañic tsiʼ jacʼʌ come yujil chaʼan ñoxix i cabʌl chuqui maʼañix bʌ mi caj i mejlel i mel.
Sal. 41:1-3, 12. Ti jumpʼejl bʌ qʼuin jiñi rey David tsaʼ wen cʼamʼa, pero yujil chaʼan Jehová mi caj i coltan.
Mr 12:41-44. Jesús wen chuqui tsiʼ yʌlʌ tiʼ tojlel juntiquil viuda pobre bʌ tsaʼ bʌ i yotsa jiñi cojim bʌ i taqʼuin yaʼ ti caja am bʌ ti templo.
Cheʼ bʌ wen an lac mul mi la cubin
Esd. 9:6; Sal. 38:3, 4, 8; 40:12
Ejemplo tac muʼ bʌ i coltañonla:
2 R. 22:8-13; 23:1-3. Cheʼ bʌ jiñi rey Josías yicʼot jiñi tejclum tsiʼ yubiyob ti pejcʌntel jiñi Mandar tsaʼ bʌ aqʼuenti Moisés, wen an i mul tsiʼ yubiyob tiʼ caj chuqui tac mach bʌ weñic tsiʼ meleyob.
Esd. 9:10-15; 10:1-4. Esdras yicʼot jiñi tejclum wen añob i mul tsiʼ yubiyob come an tsaʼ bʌ i ñusʌbeyob i tʼan Jehová i tsaʼ ñujpuñi yicʼot xʼixicob mach bʌ israelitajobic.
Lu 22:54-62. Jiñi apóstol Pedro mach tijicñayic tsiʼ yubi come uxyajlto tsiʼ yʌlʌ chaʼan mach i cʌñʌyic Jesús.
Texto tac muʼ bʌ i coltañonla:
Sal. 32:5; 103:9-14; Is. 1:18; Hch 3:19
Qʼuele jaʼel Is. 38:17; Mi. 7:18, 19.
Ejemplo tac muʼ bʌ i pʼʌtʼesañonla:
2 Cr. 33:9-13, 15, 16. Manasés juntiquilʌch rey ti Judá tsaʼ bʌ i wen mele mach tac bʌ weñic, pero Jehová tsiʼ pʌsbe i pʼuntaya cheʼ bʌ tsiʼ chaʼ ñaʼta i bʌ.
Lu 15:11-32. Jesús tsiʼ taja ti tʼan juntiquil wiñic tsaʼ bʌ cʌn sajti chaʼan miʼ pʌsbeñonla chaʼan Jehová yicʼot i cʼuxbiya miʼ junyajlel ñusan lac mul.
Cheʼ mi lac michʼ qʼuel o mi lac tsaʼ qʼuel yañoʼ bʌ
Chʼijyemlel muʼ bʌ lac wen ubin tiʼ caj mi lac ticʼlʌntel
Qʼuele «Ticʼlʌntel».
Chʼijyemlel tiʼ caj an muʼ bʌ i lowob lac pusicʼal o miʼ melbeñoñobla mach bʌ weñic
Qʼuele «Chʼijyemlel».
Chʼijyemlel tiʼ caj laj cʼunlel yicʼot lac mul
Qʼuele «Chʼijyemlel».
Michʼajel, michʼ pusicʼal
An mach bʌ chʌn tijicñayobix tiʼ caj an cabʌlob i wocol o an ticʼlʌntiyob
Ec. 9:11, 12
Qʼuele jaʼel Sal. 142:4; Ec. 4:1; 7:7.
Ejemplo tac muʼ bʌ i coltañonla:
Rt. 1:11-13, 20. Noemí tsaʼix cʌjyi ti Jehová tsiʼ yubi come tsaʼ chʌmi i ñoxiʼal yicʼot jiñi chaʼtiquil i yalobilob.
Job 3:1, 11, 25, 26; 10:1. Job wen chʼijyem tsiʼ yubi come tsiʼ luʼ sʌtʌ chuqui an i chaʼan, tsaʼ chʌmi jiñi 10 i yalobilob i tsaʼ cʼamʼa.
Texto tac muʼ bʌ i coltañonla:
Ejemplo tac muʼ bʌ i pʼʌtʼesañonla:
Rt. 1:6, 7, 16-18; 2:2, 19, 20; 3:1; 4:14-16. Noemí tsiʼ chaʼ taja i tijicñʌyel cheʼ bʌ tsaʼ chaʼ sujti majlel ti jiñi tejclum i chaʼan bʌ Jehová, cheʼ bʌ tsiʼ jacʼʌ i coltʌntel yicʼot tsiʼ colta yañoʼ bʌ jaʼel.
Job 42:7-16; Snt 5:11. Job xucʼul tsiʼ lʌtʼʌ jiñi wocol, i Jehová tsiʼ yʌqʼue cabʌl bendición.
An mach bʌ tijicñayobix come miʼ ticʼlʌntelob
Ec. 4:1, 2
Ejemplo tac muʼ bʌ i coltañonla:
1 S. 1:6, 7, 10, 13-16. Ana wen chʼijyem tsaʼ yubi come Peniná tsiʼ wen wajle i jiñi ñumen ñuc bʌ sacerdote Elí tiʼ sube ti xyʌcʼʌjel.
Job 8:3-6; 16:1-5; 19:2, 3. Jiñi uxtiquil poj i yamigojoʼ bʌ Job tiʼ subeyob chaʼan i mulʌch cheʼ woliʼ wen ñusan wocol i tsaʼ jach i yutsi lowbeyob i pusicʼal.
Texto tac muʼ bʌ i coltañonla:
Sal. 37:8, 9; Ef 4:26
Ejemplo tac muʼ bʌ i pʼʌtʼesañonla:
1 S. 1:9-11, 18. Ana tsiʼ laj sube Jehová bajcheʼ yubil miʼ yubin, i cheʼ jiñi tijicñayix tsiʼ yubi.
Job 42:7, 8, 10, 17. Jehová tsiʼ chaʼ cʼoqʼuesa Job, tsiʼ chaʼ aqʼue i tijicñʌyel come tsiʼ ñusʌbe i mul jiñi poj i yamigojoʼ bʌ.
Pensar
Qʼuele «Jiñi Pensar».