¿Bibliagi bur ibu igargi sunmaglenai?

“Ome ebogwa na be isdar dagdii an be imaggoed. Ome e wagwa, be wagwa ebo na isdar dagge gumaloed. Ome e wagwa be nonogi annaoed. Bedina e mali gasigi onagligsaoed.”

(Génesis 3:15)

“Deginbali, ar an bega ibmar sogsadyob be imagsasoggu, bela dula we nabneggi buggwamalad be waganba an egi ise nued binsamogoed.”

(Génesis 22:18)

“Be neg dagmaid [reino, TNM] anmarse be sedage. Igi nibneggi be sogedba be ibmar imagge, deyob, we nabneggi be imagdamo.”

(Mateo 6:10)

“Degine, Babdummad Ulubgi bogidig iddogega anmar imagged, a emisgwasaar nia sagla Satanásgi naggwed be imagmaloed. Bemar nia sagla birgi annasayobi be gumaloed.”

(Romanos 16:20)

“Ar bela ibmar Cristo urba urbilenoniggile, geb Cristo Babdummad Massi na e sunnad Babdummad urbaligwa nanadoed, ar ade, Babdummad bela Cristoga ibmar ugsad. Geb agi bela Babdummad sogedba ibmar gunonisunnoed.”

(1 Corintios 15:28)

“Babdummad Abrahamga, degine, Abraham e wagwaga, ibmar uggoye sogsad [...], Cristo[ga]. Ar bemar Cristogadile, bemar Abraham e waganmodo.”

(Gálatas 3:16, 29)

“We nabneggi negselemaid, bela anmar Babdummadgadga gunoniggid, degi, E Cristogadga gunonibalid. Degisoggu, degisadegu, amar negdagmai guoed.”

(Burbar Oyolesad 11:15)

“Degidbali, assu simudubaled dummad barmelledsunnad. We assu simudubaledde nagbe gebesagladid, nia sagla Satanásye nugad. We nia sagla Satanás, dulemar bela nabneg naidgi yardagdiid duled. We assu simudubaled we nabnegse egwadlenonisunnad, e baliwiddurmar [ángelmar, TNM] bela eba egwallenonimarmosunnad.”

(Burbar Oyolesad [Apocalipsis] 12:9)

“A baliwiddur [ángel, TNM] assu simudubaled ganoniggid. We, nagbe seredid, nia sagla Satanás gued. A gasgua, birga miligwen (1,000) edidsad.”

(Burbar Oyolesad [Apocalipsis] 20:2)