¿Mesías igi guoye Bibliagi soglesa?

IGI GUOYE SOGLESA

“Belén Efrata [...]. Begine, dule Israel yala seoed nodagoed. We dulede, anba yoo nabbaneg nague baddo gudibinned.”

(Miqueas 5:2)

IGI GUSA

“Jesús Judea yalagi Belén neggweburgi gwalulesgu, deun Rey Herodes negdagmaidgi, girmar dad naggwe dorgan ibmar nue wisimalad Jerusalénse nonimalad.”

(Mateo 2:1)

IGI GUOYE SOGLESA

“An mormar mimismarsunnad, an mor suega, egi wilubdagnanai gusmalad.”

(Salmo 22:18)

IGI GUSA

“Mer we mor esirmagmalo. Anmar wilubdagmaloed, ar doagadga we mor guodibe. Weyob gusdo, ar adi, Babdummad Gardagi narmaggar naidba guegar. Ar Babdummad gardagi weyob sognaid: “An mormar mimismarsunnad, degi, an mor suega, egi wilubdagnanai gusmalad.”

(Juan 19:23, 24)

IGI GUOYE SOGLESA

“We dule e garmar aggarguega imaggosulid, gwen wargwensaale e ibe bibislegega imaggosulid.”

(Salmo 34:20)

IGI GUSA

“Ar Jesússe warmagsamargudi, daggarmalad baddo Jesúsdi burgwar nai, degisoggu, bar eibe dua bississurmalad.”

(Juan 19:33)

IGI GUOYE SOGLESA

“E na, anmar uaya sadded ular, naibigusad. E na, anmar isgued ular, bela bela sabsur bibyolesgusad.”

(Isaías 53:5)

IGI GUSA

“Suwar ibed wargwendi es suidgi Jesús diggar siggaa imagsad, geb agi, abe, degi, dii, yog aryoar gusad.”

(Juan 19:34)

IGI GUOYE SOGLESA

“Unnila mani gwadurgwen gaggambe (30) an bennugsamalad.”

(Zacarías 11:12, 13)

IGI GUSA

“Jesús e sabbingan anbe gaggabogwad wargwen (12), Judas Iscarioteye nugad, dule irwa Babdummadse gormalad e dummaganse nadegusad. Amarga sogdabbid: An bemarga Jesús ugmalale, ¿ibi be anga ugmaloe? Judío dummagan Judasga mani sibu gwadulagwen gagganbe (30) ugsamalad.”

(Mateo 26:14, 15; 27:5)