Lección 11
¿Ibu ibmar odurdaklemaladi geb ibu ibmar imaklemaladi Bab Dummad nued daksuli?
¿Ibu ibmar odurdaklegedi geb ibu ibmar imaklegedi ichakwamala? (1)
¿Cristo sordamala binsamaloe Bab Dummad warbaa guye? (2)
¿Ibigala Cristo sordamar napiramaladi wissur Crismas iba onomala geb Birga gwaged iba, degine, gwaluleged iba? (3, 4)
¿Burgwarmalad nabir dulamalad oakalosale? (5)
¿Jesús nakrus gine burgwisa? (6)
¿Bule nue abelege Bab Dummad soged bali ibmar imaked? (7)
1. Belagwable ibmar odurdaklegedi geb ibmar imaklegedi isganabisuli. Aukine mision nabirsulid gine we ibmar danikir dina o Biblia ibmar odurdaked ebo emarsulile, adi Bab Dummad abesuli. (Mateo 15:6.)
2. Bab Dummad warbaagwad: Abar binsadamala Jehová Babga gue inigwale aka na e machibarye, degine, aka burba swilidikid gubarye, soglesunndo, Bab Dummad wargwena dule walabaa gala guye. Aukine, ¿we odurdaklegedi napiragwa? Suli. Jehová, Baba, “unnila Bab Dummad wargwennagwad sunsogedi”. (Juan 17:3; Marcos 12:29.) Jesús, E Machi gebesailaginedi, Bab Dummad urbaligwaa gue. (1 Corintios 11:3.) Baba, e Machi bali bur dumma. (Juan 14:28.) Burba swilidikid dina dule suli; Bab Dummad gangued e ibmar abeged imaked gine ebulegedi obare. (Génesis 1:2; Hechos 2:18.)
3. Crismas iba geb Birga gwaged iba: Jesús gwalulessuli diciembre 25 gine, gwalulesa octubre 1 siki, we ibagan gine sibad edarbemaladi mutikidba sapur bali sibadmar edarbedii damala. (Lucas 2:8-12.) Bipisaale Jesús sogsa suli e sordamar gala e gwalulesad iba onomaloye. Unnilagwa sogsa e burgwed ebinsaleged ibabii onomaloye. (Lucas 22:19, 20, Bab Dummad Jesucristoba Igar Mesisad Garda.) Crismas iba geb aa iba gine ibmar imaklegedi daniki mision nabirsurmalad epenne ambikusmalad gine. Amba deyobi nabir soglebali Birga gwaged iba siki geb aa iba gine ibmar imakleged siki. Cristo sordamar gebe gudigusmaladi Crismas iba onossurmala geb Birga gwaged iba onossurmarbali, Cristo sordamar napiramaladi emi ibaginmaladi amba we ibamar onosurmarmoga.
4. Gwaluleged iba: Unnila sogbo gwaluleged iba Biblia gine soglenaidi, dulemar Jehová bali nasurmalad gadi. (Génesis 40:20-22; Marcos 6:21, 22, 24-27.) Cristo sordamar gebe gudigusmaladi gwaluleged iba onossurmala. We iba onogedi mision nabirsurmalad epenne ambikusmalad gine daniki. Cristo sordamar napiramaladi iba yogsaale burakwa na wergusii nabir gumala, geb na ega muchup muchup sun ibmar ukmarbali.
5. Burgwarmalad dobgued: Burgwarmaladi geg bar ibmar oakalomala, bar ibmar itosurmar bali. Anmala geg we dulemala bar bendakmoga, emarmoga geg anmar oakalomoga. (Salmo 146:4; Eclesiastés 9:5, 10.) Dule burgwisale, sorbali e ibmar soggwensaale dula gudiguo suli. Aukine imbakwagwa anger isganamala, niamarye bilemaladi, yamo burgwarmalad yobi na imakdamala. Belagwable burgwarmalad dobed bali ibmar imaklegedi o burgwarmalad bogwa sunmakedi, nued suli. (Isaías 8:19.)
6. Nakrus: Jesús nakrus gine burgwissuli, suar wargwennagwad gine burgwisa. Biblia gine “nakrus” soglenaidi griego gaya gine daniki, urgo matagwenadi obarena. Nakrus ebugedi daniki mision nabirsurmalad epenne ambikusmalad gine. Cristo sordamar gebe gudigusmaladi, nakrus ebussurmala. Degisoggua, ¿nued be ebinsae nakrus anmar ebugedi Bab sega goled gine? (Deuteronomio 7:26; 1 Corintios 10:14.)
7. We ibmar odurdaklegedi geb we ibmar imaklegedi indakye sogsundibe, sun undar itolegele. Be gwenadgana o be aimala sun be gala soggarmalale mer we ibmala be indakye. Aukine Bab Dummad bali ibmar saedi bur nuedi, dule bamalad bali ibsaedba. (Proverbios 29:25; Mateo 10:36, 37, Bab Dummad Jesucristoba Igar Mesisad Garda.)
[Picture on page 22]
Bab Dummad warbaa suli
[Picture on page 23]
Crismas iba geb Birga gwaged iba daniki mision nabirsurmalad epenne ambikusmalad gine
[Picture on page 23]
Burgwarmalad dobguleged suli geb ebo sunmakleged surbali