Lección 12
Anmar mer dodoakwa dako dula gudigued geb abe
¿Igi anmar dakoe dula gudigued? (1) ¿Geb goe osuloged? (1)
¿Igi Cristo sordamar na oyomala emar akar gued abesurmala? (2)
¿Ibdurgan iblogedi ichakwagwa? (3)
¿Ibu ibmar ebuged gine dule na oyoge, dodoakwa na e san dake? (4)
¿Igi abe siki Bab Dummad igala sogmai? (5)
San yabali dule baid abe anmar balele, adi ¿igi bali? (6)
1. Bela ibmar duladi Jehová gine daniki. (Salmo 36:9.) Ibmar duladi Bab Dummad gala ibidar nued gue. Goe amba yoo gwalulegedi, Jehová dina ibmar manisaila gued yobi dake. Goe yamo osulogedi, Bab Dummad nued daksuli. (Éxodo 21:22, 23; Salmo 127:3.)
2. Cristo sordamar napiramaladi emar akar gued abesurmala. Abesurmala e nega, geb e garomala o e urmala boni gala gued. (Deuteronomio 22:8.) Bab Dummad gala arbamaladi binsa nabir yeer itoged bali boni amibisurmala. Aa gala sabsur dodoleged gine wissur dodomala, we dodoged gine ise wisimakar dule baid naibisalege. Dodoged soggwen sabsur daed onasogele, istar dakmaloe. (Salmo 11:5; Juan 13:35.)
3. Bab Dummad bela ibmar obinnisadi, amba ibdurgana ibidar nued dakbali. Cristo sorda nabir ibdurgan ibloge, gunne gala, morga sae gala o bonigan bargae gala, geb na san bendakega. (Génesis 3:21; 9:3; Éxodo 21:28.) Degi inigwale nued suli ibdurgan sabsur saedi o iblogedi binsa nabir yeer itoged bali o dodoegar dibe. (Proverbios 12:10.)
4. Sigali uedi, war gunnedi geb uedi, degine ibmar sigali mummudgimalad ebugedi Cristo sordamargad suli. We ibmar ebugedi nued suli, ar 1) geg anmar bar indake gudagoe, 2) anmar ib san oisoe geb 3) ar ibnuedsurmala. (Romanos 6:19; 12:1; 2 Corintios 7:1, Bab Dummad Jesucristoba Igar Mesisad Garda.) We ibmar indakedi sun beeche gudage, aukine anmar Jehová bali dabiele, adi indaker gebe.
5. Abe amba Bab Dummad gala ibidar nued gubali. Bab Dummad soge, dule abe bali gudiye. Aa ulale abe gobedi nued suli. Amba deyob bali ibdurgan nue abe eyossuli gunnedi. Yamo ibmar ogundulegar iblolesale o gammu egurulegar dibe, gwae e abe eyogoe nabir gunnega. Gingi gine o sarsolegale iblolesale, gwae abgayala e abe eyogoe, nabir gunnega. (Génesis 9:3, 4; Levítico 17:13, 14; Hechos 15:28, 29.)
6. ¿Dule baid abe baledi ichakwagwa? Ebinsao, Jehová soge mer we ibmar ebugoye. We soglege mer anmar san gine dule baid abe bipisaale anmar baloe, amba abe anmar gadir bela geg gue, anmar gine bachikii osabolesale. (Hechos 15:20, Bab Dummad Jesucristoba Igar Mesisad Garda.) Degisoggua Cristo sordamar napiramaladi abe baledi abesurmala. Aukine ina bamalad dina nabir ebumala, abe bali oburarsulile. Ar gudisabimarmoga, degi inigwale dula gudigubied ulale Bab Dummad e igar gine annaosurmala. (Mateo 16:25.)
[Picture on page 25]
Bab Dummad nued anmar dake gala, mer anmar dule baid abe baloe, mer ibmar san oichomalad ebugoe geb mer binsasunna boni amigoe