Babdummad Aimala Ibmar Nuegan Imagmala

Ai wargwen anmar nigsundibe geb e daed anmar nued daggele, anmar aa yobi gued gine binsadamogad. Biblia soge: “Jehová dule nuedid geb ibmar inniggi imaggedid” (Salmo 25:8, NM). Babdummad ai gala anmar gue gala, anmar dule nuegan gumalar gebed geb ibmar inniggi anmar imagbalir gebed. Biblia soge: “Bemar Babdummad-mimmigan-sabemaladmarsoggu, Babdummad-daedba be damarsun. Degi, sabguedgi be nanamar” (Efesios 5:1, 2). Anmar daggoena igi Jehová yobi anmar dae gusmogarsunna:

Dule bamalad bendaggedgi. “Bela dulemarga ibmar-nuegan imagmar” (Gálatas 6:10).

Arbamalad nuegan gumaladgi. “Ar dule ebbenne ibmar addursaerbad, mer bar ibmar addursao. Emigindi na be arbae” (Efesios 4:28).

San nued aggwedgi geb nued daedgi. “Bela ibmar-isgana anmar-sangi, degi, anmar-burbagi-nanaid osulomarsun, Babdummad-dobegwaa, gaddig gwage-swilidiggumai anmar gumarsun” (2 Corintios 7:1).

Anmar gwenadgangi sabed nigga daedgi geb gwenadgan mag daggee nanaedgi. “Bemar na wala-walagwen ar igi na-be-san sabmala, deyob na-be be-ome sabgumogoed, degine, ome, e-sui nue na daggee nanamogoed. Mimmigan, [...] nue be-babganba uaya-niggaa be damalo” (Efesios 5:33–6:1).

Dule bamalad sabguedgi. “Na mudsubmudsub na sabgumarsun, ar ade sabgued Babdummadgi daniggid” (1 Juan 4:7).

Neggweburgi igarmar mamaidba daedgi. “Bela dulemar [gobierno] urba nanae-wilubbid [...]. Igargan-mamaidba bemar bela dummaganba imagge-wilubbid: Mani-weleged-bennugged be bennugmar” (Romanos 13:1, 7).