Babdummad Sabe Anmar Na Oyoge

Ai wargwen mer anmar gine bangue gala, anmar ebo sunmagdiir gebe. Ibmar soggalile anmar iddogoe, geb e dina anmar iddomogoe. Anba dule bamalad asabinni anmar egi nued sunmagbaloe. Deyobi gumoga, anmar Babdummad bogwa aigwale gudiidi obelobisulile. Be daggena, ibu ibmar anmar imagged abeleye Biblia soge we igar siggi.

Balibali Jehová sega goled. “Babdummadse-gordigu be imagmar” (Romanos 12:12).

Babdummad Gaya Burba absoged, Biblia. “Babdummad-Garda-narmaggar-maid bela Babdummad-sogedba narmaglesad. Babdummad-Garda ib-nuedid, dulemar-odurdaggegar, dulemarga sabsur ibmar-sogegar, dulemar-unaegar, degi, igar-inniggigwadgi dulemar-odurdaggegar” (2 Timoteo 3:16).

Babdummad siggi dule bamalad odurdagged. “Degisoggu be namar, bela-dulemar-yar-baidbaidgi-bugmalad an-sabbinganga gued be imagnamar [...]. Bemar dulemar-odurdagnamar, bela-ibmar an-bemar-odurdagsad nue eba nanamaloye” (Mateo 28:19, 20).

Babdummad aimarbo waligga gued. “Dule binsaed nigga damaladba nanadiidi binsaed nigga dae gumogoe” (Proverbios 13:20, NM).

Jehovági Sunmagmalad Igar Iddoged Neg sega nanaed. “Anmar binsamarsun igi anmar saer-gebe, adi na mudsubmudsub na gaddig sabgumalagar, degine, na ibmar-nuegan-imagmarbaligar [...]. Bur na be mudsubmudsub ogannomar” (Hebreos 10:24, 25).

Babigargi sunmagleged bendagged, mani uggedgi. “Na wala-walagwen igi na e-gwagegi ibmar-ugbiedba uggoed. Nunmagiddogedgi, igi, dule ise-bega sogaledgi mer be ibmar-uggoed, ar ade Babdummad yeerdagdaed dule-weligwar-ibmar-ugged” (2 Corintios 9: 7).