¡Na Sadegu Anmar Babdummad Aimar Gala Gue!

Aimar nigguedi geb mer aimar anmargi banguedi ibigwensur suli. Anmar Babdummad ai gala gued bina alamagnaile geb ebo ai nued nigga gudiile, anmarga nabir ibmar nued gala gusale. Jesús sogsa e bali nagusmalad gala: “Igar nabbiragwadi bemar onogoed” (Juan 8:32, NM). ¿Ibu obare?

Emisgwa gine nabir anmar galesiid gine onolege. Anmar nabir onolege Satanás igarmar noar odurdagged gine geb Satanás gagganmar onasosad gine. Millónba mergu dulemar Jehová aggu dagmaladdina bendagleged sadde dagmala neggunaid bali, auggine anmar dina weyob iddoged gine nabir nosale (Romanos 8:22). Babdummad aimala bibbisaale “burgwed-dobedbali” mai gala bar gudisurmala (Hebreos 2:14, 15).

Babdummad negbinid imaggoed gine anmar nabir galesisuli gudisaoe. ¡Ibiyob bendaglesa anmar yoogid sega na iddomaloe! Nabbaneg neg yeerdaglegedga gunoniggile, neggweburmar nabo abinabin urwed berguoe, bonigan geb ibmar isgana imagleged bergubaloe. Bar wileged nigguosuli, geb uggumesed nigguosurbali. Bar anmar sered guosurbali geb bar burgosurbali, bar dobe iddodii anmar guosuli, geb ibmar inniggigwadbii imaglegoe. Babdummad siggi Biblia soge: “Be argan be egamaid geb bela ibmar dula gudimalad ibmar abegedi ega be imagmaid” (Salmo 145:16, NM).

Babdummad aimala na sadegu gudigumaloe. Babdummad dulemar ebo aigwale gudimalad gala ibmar nued uggoe, imaggoe na sadegu gudigumaladi (Romanos 6:23). Nue be iddogena, bede na sadegu gudisunnad, ibumar be nabir imagsale.

Buggidar ibmar anmar nabir imaggoe. Sun anmar gar soggwen ogoled durdagbiodibe, garda sobeddibe, garbinder igardibe. Sun anmar ibmar durgan siggi durdagbiodibe, duddumarsigdibe. Sun anmar neggwebur baigan sega addagnaodibe geb e dulemar mag dagge guegala. Burgwed sadde anmar gudiguo soggua, bela we ibmarmala anmar nabir imagge guoed.

Buggidar aimar anmar nabir nigguoe. Burgwed suli anmar gudiguo soggua, buggidar Babdummad aimar gumaladi anmar mag dagge guoe. Anmar we dulemar ibmar imaggedi wisguoe geb anmar wisgubaloe e daed nuegana, degine, anmar wemar ai gala nabir gubaloe. Anmar we dulemar sabguoe geb emarmoga anmar gine sabed niggumogoe (1 Corintios 13:8). Ar anmar na sadegu gudiguo soggua, nabir bela dulemar Nabbaneggi gudigumaloed e aimar gala anmar gusale. Ugginbali, anmar Jehová bogwa ai nued nigga gudiidi bur bule gannolemai guoe birgamar nanamai guoed gine. ¡Na sadegu anmar Babdummad aimar gala gue!