¿Igi anmar ibagi neg gudagoye Bibliagi soglenai?

“Dulemar yar baid baidgi buggwamalad bila ononanai gudamaloed, degi, reymar mudsub mudsub egi yolenanai gudamarbaloed. Yar baid baidgi uwellemalad buggidar agnidagoed, uggud dummad nagudabaloed, degine, negabandur dummagan nagumai gudabaloed.”

(Mateo 24:7, 8)

“Degine, yamo buggidar Babdummad gayaburba barsogmaladyobi, na san imagnonimaloed, amar, eba nagumalaga dulemar buggidar yardagmaloed. Ar ibmar isgana yaisulidba, buggidar anba nagusmalad e sabgued bergudoed.”

(Mateo 24:11, 12)

“Bemar bila onolenaiye iddoardibe, degi, bila onoleged daniye be iddoarmardibe, mer be gwayemalo. Ar weyob ibmarmar gugwelergebed.”

(Marcos 13:7)

“Degine, negabandur dummagan nagumai gudagoed. Yar baid baidgi uggud dummad, degi, uwellemalad buggidar agnimai gudabaloed.”

(Lucas 21:11)

“Neg duggumosale, iba bulegan nagunoniggoed. Ar ade, dulemar weyobid noniggoed: Duggin e sanginbi binsamalad. Maniginbi binsamalad. Sunmaggedgi na san dummarba imagmalad. Duggin san ogannomalad. Babdummadgi dodoar sunmagmalad. E babgan sogedba dasurmalad. Dule ega ibmar imagsar, dog nuedye gwen sogsurmalad. Babdummadgi gwen binsasurmalad. Dule sabed gwen nigsurmalad. Dulemar egi yolesar, geg na san bargamalad. Gadi gaggan berbemalad. Wissur na san bargamalad. Sabsur aimar imagmalad. Ibmar nuegan isdar dagmalad. E aimargi agbinmalad. Dagge daggesur ibmar imagmalad. Duggin san dummarba iddomalad. Unnila bur bule na duggin san yeer iddogedgi binsamalad, Babdummadgindi binsasurmalad. Yamo Babdummad Igar Maidba daeyob damalad. Degi inigwele, binsa asgi gordidimalad, Bab Igar sunsogedba nanasurmalad.”

(2 Timoteo 3:1-5)