Вӗсем Сатанана итленӗ — ҫакӑ мӗн патне илсе ҫитернӗ?

Адампа Ева Турра итлемен, ҫавӑнпа вилнӗ (Пултарни 3:6, 23).

Ева ҫӗлене итленӗ те ҫав йывӑҫӑн ҫимӗҫне ҫиме тытӑннӑ. Унтан Адама панӑ, вара вӑл та ҫинӗ.

Вӗсем мӗн туни тӗрӗс мар пулнӑ — ҫакӑ ҫылӑх пулнӑ. Турӑ вӗсене райри килӗнчен кӑларса янӑ.

Вӗсен хӑйсен те, ачисен те пурнӑҫӗ йывӑр пулнӑ. Вӗсем ватӑлнӑ та вилнӗ. Вӗсем пӗлӗте е леш тӗнчене кайман: вӗсен пурнӑҫӗ татӑлнӑ.

Вилнисем тӑпра пекех, чӗрӗ мар (Пултарни 3:19).

Эпир вилетпӗр, мӗншӗн тесен пур ҫын та Адампа Евӑран пулса кайнӑ. Вилнисем курма, илтме тата мӗн те пулин тума пултараймаҫҫӗ (Екклесиаст 9:5, 10).

Турӑ шухӑшласа хунӑ тӑрӑх ҫынсен вилмелле пулман. Кӗҫех вӑл вилнисене пурӑнма чӗртсе тӑратать. Вӗсем Турра итлесе пурӑнсан, вӗсем ӗмӗр-ӗмӗр пурӑнӗҫ.