Калаҫӑва мӗнле пуҫламалла

Сентябрьте, пӗрремӗш шӑмат кун, Библи вӗренӗвӗ мӗнле пуҫламалла

«Кашни кун тӗрлӗ халӑхри тата тӗнри ҫынсем Турра кӗлӗ тӑваҫҫӗ. Эсир мӗнле шутлатӑр, Турӑ пур кӗлле те илтет-и тата пурин ҫине те хуравлать-и?» Хурава итле. Ҫынна «Кто правит миром?» брошюрӑна пар. 16-мӗш страницӑри пӗрремӗш подзаголовокри материала тата Библири пӗр сӑвӑ йӗркине вуласа пар та сӳтсе яв. Брошюрӑсене сӗн те тепӗр ыйтӑва сӳтсе явмашкӑн тӗл пулма калаҫса татӑл.

«Кто правит миром?» брошюра. Брошюрӑн хуплашкине кӑтарт та ыйт: «Ҫак ыйту ҫине эсир мӗнле хуравланӑ пулӑттӑр? [Хурава итле.] Асӑрхӑр-ха, ҫакӑн ҫинчен Библире мӗн каланӑ. [1 Иоанн 5:19 вуласа пар.] Ҫак сӑвӑ йӗрки тӑрӑх, «усал», тепӗр майлӑ Шуйттан, тӗнчене тытса тӑрать. Ҫавӑнпа та ыйтусем сиксе тухаҫҫӗ: Шуйттан мӗнле пулса кайнӑ? Вӑл чӑнахах та пур-и? Турӑ ӑна тата мӗн чухлӗ хуҫаланма парӗ? Ҫак брошюрӑра Библирен илнӗ хуравсем пур».

«Как распоряжаться деньгами» брошюра. «Укҫа-тенкӗпе ҫыхӑннӑ йывӑрлӑхсене пула паян нумай ҫыннӑн кӑмӑлӗ пусарӑннӑ. Эсир мӗнле шутлатӑр, йӳнеҫтеркелесе пурӑнма мӗншӗн ҫав тери йывӑр? [Хурава итле.] Библире ӑслӑ канашсем пур, вӗсем нумайӑшне укҫана тӗрӗс тӑкаклама пулӑшнӑ. [8 е 9 страницӑсенчи пӗр сӑвӑ йӗркине вуласа пар.] Кам кивҫене кӗрсе пурнӑҫне йывӑрлатнӑ, ҫавсем валли ҫак брошюрӑра усӑллӑ канашсем пур».