ХРИСТИАНСЕН ПУРНӐҪӖ

Вӑйӑ-кулла мӗнле суйласа илмелле?

Мӗншӗн вӑйӑ-кулӑ суйланӑ чухне питӗ тимлӗ пулмалла? Фильм, юрӑ-кӗвӗ, веб-сайт, кӗнеке тата видеовӑйӑ суйланӑ чухне эпир хамӑр ӑстӑна мӗнпе тултармаллине суйлатпӑр. Эпир суйланӑ вӑйӑ-кулӑ пирӗн ӗҫсем ҫине витӗм кӳрет. Шел пулин те, хальхи вӑйӑ-кулӑ ытларах чухне Иегова курайман ӗҫсемпе ҫыхӑннӑ (Пс 10:5; Гл 5:19—21). Акӑ мӗншӗн Библи пире Иеговӑна мухтава кӑларасси ҫинчен пӗрмаях шухӑшлама хавхалантарать (Фп 4:8).

«МӖНЛЕ ВӐЙӐ-КУЛӐ СУЙЛАСА ИЛМЕЛЛЕ?» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:

Хальхи вӑхӑтри вӑйӑ-кулӑпа Авалхи Римри гладиаторсен ҫапӑҫӑвӗсем хушшинче мӗнле пӗрпеклӗх пур?
Пухури тӑвансем ҫамрӑксене вӑйӑ-кулӑ суйланӑ чухне асӑрхануллӑ пулма мӗнле пулӑшма пултараҫҫӗ?
Вӑйӑ-кулӑ суйланӑ чухне Рим 12:9-мӗшӗнчи принцип мӗнле пулӑшать?
Эсир мӗнле усӑллӑ вӑйӑ-кулӑ пӗлетӗр?

ВӐЙӐ-КУЛЛА ХӐВ ХУТШӐНАС ТЕЙӖН-И Е ЫТТИСЕМ МӖН ТУНИНЕ ПӐХАС ТЕЙӖН-И?

Хальхи вӑхӑтри анлӑ сарӑлнӑ вӑйӑ-кулӑ ытларах чухне ыттисем мӗн тунине пӑхма е ҫавӑн ҫинчен вулама хистет. Фильмсенче, кӗнекесенче тата телепередачӑсенче пире хамӑр идейӑсене пурнӑҫа кӗртме хавхалантарас вырӑнне харпӑр хӑйсен идейисене сӗнеҫҫӗ. Ҫакӑ активлӑ мар вӑйӑ-кулла пач суйламалла маррине пӗлтермест. Апла пулин те, нумайӑшӗ асӑрханӑ тӑрӑх, активлӑ вӑйӑ-кулӑ ытларах савӑнӑҫ кӳрет. Тӗслӗхрен, хӑшӗ-пӗрисем ӳкерме юратаҫҫӗ, теприсене музыка инструменчӗпе калама килӗшет. Виҫҫӗмӗшӗсем час-часах уҫӑ сывлӑшра вӑхӑта ирттереҫҫӗ: вӗсем спортпа туслӑ, ҫуран ҫӳреҫҫӗ е похода каяҫҫӗ. Кирек мӗнле вӑйӑ-кулӑ суйлас пулсан та, айтӑр пурне те Турра мухтава кӑларас тесе тӑвар (1 Кор 10:31).