Мӗншӗн Турра сӑмах панисене пурнӑҫламалла?

Тӳресен 11:30—40 вулӑр та Иеффайпа унӑн хӗрӗ ҫинчен пӗлӗр. Ҫакӑ сире Турра сӑмах панисене пурнӑҫласси мӗн иккенне лайӑхрах ӑнланма пулӑшӗ.

Контекста пӑхӑр. Шанчӑклӑ израильтянсем хӑйсем Турра сӑмах панисем ҫине мӗнле пӑхнӑ? (Йыш. 30:2). Иеффайпа унӑн хӗрӗ Иеговӑна ҫирӗп ӗненни ӑҫтан курӑнать? (Тӳр. 11:9—11, 19—24, 36).

Вак-тӗвексене шута илӗр. Иеффай: «Тӑван килӗм хапхинчен мана хирӗҫ мӗн тухӗ, ҫавӑ Ҫӳлхуҫана пулӗ, ӑна пӗтӗмӗшпе ҫунтарса парне кӳрӗп», — тенипе мӗн каласшӑн пулнӑ? (w16.04 7-мӗш страница, 12-мӗш абзац). Хӑй панӑ сӑмаха пурнӑҫлас тесе Иеффай та, унӑн хӗрӗ те мӗнле ҫухатусем тӳсме хатӗр пулнӑ? (w16.04 7—9 страницӑсем, 14—16 абзацсем). Хальхи вӑхӑтра Иеговӑн ӗҫлекенӗсем мӗн-мӗн тума сӑмах параҫҫӗ? (w17.04 5—8 страницӑсем, 10—19 абзацсем).

Эпир мӗне вӗренетпӗр? Хӑвӑртан ыйтӑр:

• «Хама Турра халалласа сӑмах панипе килӗшӳллӗн пурӑнма мана мӗн пулӑшӗ?» (w20.03 13-мӗш страница, 20-мӗш абзац).

• «Иеговӑшӑн тата ытларах тӑвас тесе эпӗ мӗнле ҫухатусем тӳсме хатӗр?»

• «Мӑшӑрланнӑ чухне пӗр-пӗрне тупа туса сӑмах панипе килӗшӳллӗн пурӑнма мана мӗн пулӑшӗ?» (Матф. 19:5, 6; Эф. 5:28—33).