Ырӑ хыпар сарас ӑсталӑха лайӑхлататпӑр. Ырӑ хыпара ӗҫлӗ территорире пӗлтересси

Мӗншӗн ҫакӑ питӗ кирлӗ. Нумай ҫын кун каҫа ӗҫленӗрен вӗсене Турӑ Патшалӑхӗ ҫинчен калакан хыпара пӗлтермелли пӗртен-пӗр май — вӗсем патне ӗҫе килни. Ырӑ хыпара ӗҫлӗ территорире пӗлтерни нумай савӑнӑҫ кӳме тата тухӑҫлӑ пулма пултарать, мӗншӗн тесен килтен киле ҫӳренипе танлаштарсан ӗҫре яланах кам та пулин пур. Ҫавӑн пекех эпир хӑйсен клиенчӗ пулса тӑма пултарнине шута илсе вӗсем, ялан тенӗ пекех, пирӗнпе хисеплӗн калаҫаҫҫӗ. Ӑнӑҫлӑ пулас тесен хыпарҫӑсен ӑслӑ-тӑнлӑ пулмалла тата вӗсен ҫи-пуҫӗпе тумтирӗ йӗркеллӗ те тирпейлӗ пулмалла (2 Кор. 6:3). Сӑваплӑ ӗҫӗн надзирателӗн ӗҫлӗ территорире час-часах ырӑ хыпар сарнипе сарманнине тата ҫак территорире ырӑ хыпара кам сарнине асӑрхаса тӑмалла.