52-МӖШ УРОК
Мӗншӗн пирӗн ҫи-пуҫ мӗнлерех пулни питӗ пӗлтерӗшлӗ?
Эпир пурте хамӑра килӗшекен ҫи-пуҫпа ҫӳреме юрататпӑр. Эпир Библири принципсене тытса тӑратпӑр пулсан, хамӑра килӗшекен ҫи-пуҫ та суйласа илме пултарӑпӑр, ҫав вӑхӑтрах Иеговӑна та савӑнтарӑпӑр. Айтӑр ҫав принципсене пӑхса тухар.
1. Мӗн тӑхӑнса тата мӗнле ҫи-пуҫпа ҫӳремеллине суйласа илме мӗнле принципсем пулӑшӗҫ?
Пирӗн ҫи-пуҫ эпир «Турра парӑнса» пурӑннине кӑтарттӑр тесен пирӗн «сӑпайлӑ та ӑслӑ-тӑнлӑ пулса тирпейлӗ» тумланмалла (1 Тимофей 2:9, 10, «Ҫӗнӗ тӗнче» куҫару). Ҫак тӑватӑ принципа тӗплӗнрех пӑхса тухар. 1) Пирӗн ҫи-пуҫ тирпейлӗ пулмалла. Эсир пухӑвӑн тӗлпулӑвӗсенче Иеговӑн ӗҫлекенӗсем тӗрлӗрен тӑхӑннине асӑрханӑ пуль, анчах та вӗсен ҫи-пуҫӗ вӗсем Турра хисепленине кӑтартса тӑрать. 2) Пирӗн тумтир сӑпайлӑ пулмалла. Ҫакӑ пирӗн ыттисенче аскӑн шухӑш ҫуратма пултаракан тумтир тӑхӑнмалла маррине тата хамӑр ҫине ытлашши пӑхтармалла маррине пӗлтерет. 3) Эпир мода хыҫҫӑн хӑваласа ҫӳременнипе ӑслӑ-тӑнлӑ пулнине кӑтартатпӑр. 4) Пирӗн ҫи-пуҫ мӗнлерех пулнинче эпир Турра парӑнса тӑни курӑнса тӑмалла. Ҫапла вара ытти ҫынсем эпир чӑн Туррӑн ӗҫлекенӗсем пулнине курма пултарӗҫ (1 Коринф 10:31).
2. Пирӗн ҫи-пуҫ ыттисем ҫине мӗнле витӗм кӳме пултарать?
Эпир хамӑра мӗн килӗшет, ҫавна тӑхӑнма пултаратпӑр. Ҫав-ҫавах пирӗн хамӑр ҫи-пуҫ ыттисем ҫине мӗнле витӗм кӳме пултарни ҫинчен шухӑшламалла. Эпир никама та кӳрентересшӗн мар. Ун вырӑнне эпир «ҫывӑх ҫынна юрама... тата ӑна ҫирӗплетес тесе уншӑн мӗн ырӑ, ҫавна» тума тӑрӑшатпӑр (Рим 15:1, 2 вулӑр.)
3. Пирӗн ҫи-пуҫ кама та пулин Иегова ҫинчен ытларах пӗлме мӗнле хавхалантарма пултарать?
Эпир яланах пирӗн тумтир килӗшӳллӗ пултӑр тесе тӑрӑшатпӑр. Анчах та пухӑвӑн тӗлпулӑвӗсене тата ырӑ хыпар сарма мӗн тӑхӑнса каймалла тесе шутланӑ чухне эпир уйрӑмах тимлӗ пуласшӑн. Эпир пирӗн ҫи-пуҫ ыттисене ырӑ хыпара итлеме ан чӑрмантартӑр тетпӗр. Ун вырӑнне пирӗн ҫи-пуҫ ҫынсене Турӑ ҫинчен нумайрах пӗлме тата «Ҫӑлакан Туррӑмӑр вӗрентнине... илем кӳрсе» тӑма пулӑштӑр тетпӗр (Тит 2:10).
НУМАЙРАХ ПӖЛӖР
Эпир мӗн тӑхӑнса ҫӳрени тата пирӗн мӗнле ҫи-пуҫ пулни ыттисене эпир христиансем пулнине мӗнле кӑтартма пултарнине пӗлӗр.
Хамӑр ҫи-пуҫпа эпир влаҫра ларакан ҫынсене хисепленине кӑтартма пултаратпӑр. Иегова пирӗн чӗрере мӗн пуррине курать пулин те, эпир хамӑр ҫи-пуҫпа ӑна та хисепленине кӑтартма пултаратпӑр
4. Пирӗн ҫи-пуҫ лайӑх пулсан, эпир Иеговӑна хисепленине кӑтартатпӑр
Мӗнле тӗп сӑлтава пула эпир хамӑр ҫи-пуҫ лайӑх пултӑр тесе тӑрӑшатпӑр? Псалом 46:3 вулӑр та ҫак ыйтусене сӳтсе явӑр:
Эпир Иеговӑн ӗҫлекенӗсем пулни пирӗн ҫи-пуҫ ҫине мӗнле витӗм кӳмелле?
Пухӑвӑн тӗлпулӑвӗсене тата ырӑ хыпар сарма мӗн тӑхӑнса каймалли ҫинчен пирӗн шухӑшламалла-и? Мӗншӗн эсир ҫапла шутлатӑр?
5. Мӗн тӑхӑнмаллине тата мӗнле ҫи-пуҫпа ҫӳремеллине суйласа илме мӗн пулӑшӗ?
Пирӗн тумтир хаклӑ-и, хаклӑ мар-и, ҫав-ҫавах унӑн таса, тирпейлӗ тата кашни лару-тӑру валли вырӑнлӑ пулмалла. 1 Коринф 10:24 тата 1 Тимофей 2:9, 10 вулӑр та ҫакна сӳтсе явӑр. Мӗншӗн пирӗн тумтир:
тирпейсӗр е таса мар пулмалла мар?
ыттисенче тӗрӗс мар е аскӑн шухӑшсем ҫуратмалла мар? (Ҫакӑн пекки тумтир ытла ҫӑтӑ тата уҫӑ пулнӑран пулма пултарать.)
Христиансен Моисей законне тытса тӑмалла мар пулин те, вӗсем ҫав законран Иегова мӗнле шухӑшланине пӗлме пултараҫҫӗ. Саккуна астутарни 22:5 вулӑр та ҫак ыйтӑва сӳтсе явӑр:
Мӗншӗн пирӗн арҫынна хӗрарӑм пек, хӗрарӑма арҫын пек тӑвакан ҫи-пуҫпа ҫӳремелле мар?
1 Коринф 10:32, 33 тата 1 Иоанн 2:15, 16 вулӑр та ҫак ыйтусене сӳтсе явӑр:
Мӗншӗн пирӗн хамӑр ҫи-пуҫ эпир пурӑнакан вырӑнти ҫынсене е пухури тӑвансене кӳрентернипе кӳрентерменни ҫинчен шухӑшласа пӑхмалла?
Эсир пурӑнакан вырӑнта мӗн тӑхӑнса ҫӳресси тата мӗнле причёскӑпа ҫӳресси модӑра?
Модӑна кӗнӗ ҫав ҫи-пуҫран хӑшӗсем христиансемшӗн вырӑнлӑ мар пек туйӑнать сире? Ӑнлантарса парӑр.
Пирӗн хитре тӑхӑнма, ҫав вӑхӑтрах Иеговӑна савӑнтарма нумай май пур
ХӐШ-ПӖРИСЕМ ҪАПЛА КАЛАМА ПУЛТАРАҪҪӖ: «Мӗн тӑхӑнас килет, ҫавна тӑхӑнатӑп. Ку ман ӗҫ».
Эсир ҫакӑнпа килӗшетӗр-и? Ӑнлантарса парӑр.
ТӖП ШУХӐШ
Мӗн тӑхӑнса тата мӗнле ҫи-пуҫпа ҫӳремеллине тӗрӗс суйласа илнипе эпир Иеговӑна тата ҫынсене хисепленине кӑтартатпӑр.
Вӗреннине аса илни
Эпир мӗн тӑхӑнса тата мӗнле ҫи-пуҫпа ҫӳрени мӗншӗн Иеговӑшӑн пурпӗрех мар?
Мӗн тӑхӑнса тата мӗнле ҫи-пуҫпа ҫӳремеллине суйласа илме пире мӗнле принципсем пулӑшӗҫ?
Пирӗн ҫи-пуҫ ыттисене Иегова ҫинчен ытларах пӗлме мӗнле хавхалантарма пултарать?
ТӖПЧЕМЕЛЛИ
Ҫынсем эсир мӗн тӑхӑнса ҫӳренине кура сирӗн ҫинчен мӗн шутлама пултарнине пӗлӗр.
Мӗншӗн татуировка тӑвасси ҫине ҫӑмӑлттайлӑн пӑхмалла мар?
Мӗн тӑхӑнса тата мӗнле ҫи-пуҫпа ҫӳремеллине суйласа илме пулӑшакан принципсене пӗлӗр.
«Хӑвӑр ҫи-пуҫпа Турра мухтав кӳрсе тӑрӑр» («Хурал башни», 2016 ҫулхи сентябрь)
Пӗр хӗрарӑм ыттисене вӗсем мӗн тӑхӑнса ҫӳренишӗн айӑпланӑ. Ӑна ҫавна тума пӑрахма мӗн пулӑшни ҫинчен вулӑр.
«Одежда и внешний вид были для меня преткновением» («Пробудитесь!», 2003 ҫулхи декабрӗн 22-мӗшӗ)